இந்த திட்டத்திற்கு அரசாங்க நிதி பயன்படுத்தப்பட மாட்டாது என அமைச்சர் குறிப்பிட்டார்.
ஒழுங்கமைக்கப்படாத நகர அபிவிருத்தி ஒரு நாட்டின் வளர்ச்சியை நேரடியாகவும் மறைமுகமாகவும் பாதிக்கிறது. எனவே, நாட்டின் அனைத்து நகரங்களையும் துரிதமாக அபிவிருத்தி செய்வதற்கான அரசாங்கத்தின் வேலைத்திட்டத்தை நடைமுறைப்படுத்தும் பாரிய பொறுப்பு நகர அபிவிருத்தி அதிகார சபைக்கு வழங்கப்பட்டுள்ளதாக அமைச்சர் இங்கு வலியுறுத்தினார்.
வளர்ந்து வரும் நாட்டை நூறு நகரங்களை அழகுபடுத்தல் திட்டம் – 2021/2020 நிகழ்ச்சியில் கலந்து கொண்டு வெற்றி பெற்ற அதிகாரிகளை மதிப்பீடு செய்து வெற்றி பெற்ற நகர திட்டங்களுக்கு விருதுகள் வழங்கும் நிகழ்வில் இன்று (28) கலந்து கொண்ட போதே அமைச்சர் பிரசன்ன ரணதுங்க மேற்கண்டவாறு தெரிவித்தார்.
பத்தரமுல்லை, செத்சிறிபாயவில் அமைந்துள்ள நகர அபிவிருத்தி அதிகார சபையின் கேட்போர் கூடத்தில் இந்த நிகழ்வு இடம்பெற்றது.
முன்னாள் பிரதமர் மஹிந்த ராஜபக்ஷவினால் முன்வைக்கப்பட்ட அமைச்சரவைப் பிரேரணையின் பிரகாரம், நாடு முழுவதும் குறைந்த வசதிகளைக் கொண்ட 100 நகரங்களை இனங்கண்டு அவற்றின் அடிப்படை வசதிகளை மேம்படுத்தி, அவற்றை அழகுபடுத்துவதற்கு உரிய உட்கட்டமைப்பு வசதிகளை வழங்கும் நோக்கில் 2020ஆம் ஆண்டு இந்த நூறு நகர அபிவிருத்தித் திட்டம் ஆரம்பிக்கப்பட்டது..
அதன்படி, நாட்டின் அனைத்துப் பகுதிகளையும் உள்ளடக்கும் வகையில் 116 சிறிய மற்றும் நடுத்தர நகரங்கள் தேர்வு செய்யப்பட்டு, இந்த நூறு நகரங்கள் திட்டம் தொடங்கப்பட்டது. அதன்படி 20 மில்லியன் ரூபா ஒரு நகரின் அபிவிருத்திக்காக பயன்படுத்தப்பட்டது.
பணிகள் நிறைவடைந்த 116 நகரங்களில் பொதுமக்களின் அடிப்படைத் தேவைகளான நடைபாதைகள், திறந்தவெளிப் பகுதிகளில் வடிகால் வசதிகள், பயணிகள் தங்குமிடங்கள், சுகாதார வசதிகள் ஆகியவை மேம்படுத்தப்பட்டுள்ளதாக நகர அபிவிருத்தி அதிகார சபை தெரிவித்துள்ளது.
இந்த 100 நகர அபிவிருத்தித் திட்டங்கள் தொடர்பில் அம்பாறை மாவட்டத்தில் தெஹியத்தகண்டிய நகர அபிவிருத்தித் திட்டம் முதலிடத்தைப் பெற்றுள்ளது. இரண்டாவது இடத்தை இரத்தினபுரி மாவட்டத்தின் குருவிட்ட நகர அபிவிருத்தித் திட்டமும், மூன்றாம் இடத்தை களுத்துறை மாவட்டத்தின் மொரகஹஹேன நகர அபிவிருத்தித் திட்டமும் பெற்றன.
மேலும் உரையாற்றிய அமைச்சர் பிரசன்ன ரணதுங்க மேலும் கூறியதாவது, நகர அபிவிருத்தி ஒரு நாட்டில் அதிக எண்ணிக்கையிலான நேரடி மற்றும் மறைமுக வேலைகளை உருவாக்க முடியும். நகரங்களை ஏன் அழகுபடுத்துகிறார்கள் என்று சிலர் கேட்கிறார்கள். அந்தப் பணத்தில் இன்னும் பயனுள்ள ஒன்றைச் செய்யுங்கள் என்று கூறுகிறார்கள். ஆனால் நகரத்தை அழகுபடுத்துவதால் சுற்றுலா ஈர்ப்பு மேம்படுவதைப் போல, நகரத்தில் வசிக்கும் மக்களின் தூய்மை மற்றும் பல்வேறு தொற்று நோய்களில் இருந்து அவர்களைப் பாதுகாத்தல் போன்றனவும், நகர வீதிகளும் சுத்தம் செய்யப்பட்டு நகரத்தை அழகுபடுத்துகிறது.
மகிந்த ராஜபக்ச ஜனாதிபதியாக இருந்த காலத்தில், கொழும்பு ஆசியாவிலேயே வேகமாக வளர்ந்து வரும் மற்றும் கவர்ச்சிகரமான நகரமாக மாறியது. ஆனால் பின்னர் ஆட்சிக்கு வந்த அரசாங்கம் அந்த அபிவிருத்தித் திட்டங்களை நிறுத்தியதால் கொழும்பு நகரம் நரகமாக மாறியது.
கடந்த காலங்களில் உலகளாவிய கொரோனா தொற்றுநோய் நிலைமை மற்றும் நமது நாடு எதிர்கொண்ட மோசமான பொருளாதார நிலைமை காரணமாக, நாட்டின் அபிவிருத்தி நடவடிக்கைகளை சிறிது காலத்திற்கு நிறுத்த வேண்டியிருந்தது. ஆனால் இப்போது நாம் ஒரு நாடாக வலுவடைந்து வருகிறோம். எனவே, நாட்டில் தற்போதுள்ள வளங்களைப் பயன்படுத்தி, நாட்டின் பொருளாதார நிலையைச் சிறப்பாக நிர்வகித்து, மக்களுக்குச் சுமையை ஏற்படுத்தாமல், மக்களுக்குப் பயனளிக்கும் அபிவிருத்தித் திட்டங்களை விரைந்து செயல்படுத்த அரசு செயல்பட்டு வருகிறது என்றார்.
இந் நிகழ்வில் நகர அபிவிருத்தி அதிகார சபையின் தலைவர் நிமேஸ் ஹேரத், பணிப்பாளர் நாயகம் பிரசாத் ரணவீர, மேலதிக பணிப்பாளர் நாயகம் மஹிந்த விதானாராச்சி மற்றும் நகர அபிவிருத்தி அதிகார சபையின் மாவட்ட மற்றும் வலய பணிப்பாளர்கள் கலந்துகொண்டனர். – ada derana