விடுதலைப் புலிகளின் ஆயுதப்போராட்டம் முள்ளிவாய்க்காலில் முற்றுப்புள்ளிக்கு வந்தமைக்கு காரணம் என்ன?

 

விடுதலைப் புலிகளின் ஆயுதப்போராட்டம் முள்ளிவாய்க்காலில் முற்றுப்புள்ளிக்கு வந்தமைக்கு காரணம் என்ன?

முன்னாள் எதிர்க்­கட்­சித்­த­லைவர் அப்­பாப்­பிள்ளை அமிர்­த­லிங்­கத்தின் இளைய புதல்வரான வைத்­திய கலா­நிதி பகீ­ரதன்  அவர்கள் அளித்த செவ்வி!!

• இந்திய அனுசரணையின்றி தீர்வு சாத்தியமாகாது

இந்­தி­யாவின் அனு­ச­ர­ணை­யின்றி தமி­ழர்­களின் பிரச்­சி­னைக்கு என்­றுமே தீர்வு கிடைக்­காது. மத்­தியில் ஆட்­சி­யி­லி­ருக்கும் பார­தீய ஜனதா கட்­சி தமிழர் விட­யத்தில் கொண்­டிக்கும் கரி­ச­னையைப் பயன்­ப­டுத்தி அர­சாங்­கத்­திற்கு உரிய வலி­யு­றுத்­தலை செய்­­வ­தற்­கான நடவடிக்கை­களை மேற்­கொள்ள வேண்டும் என முன்னாள் எதிர்க்­கட்­சித்­த­லைவர் அப்­பாப்­பிள்ளை அமிர்­த­லிங்­கத்தின் இளைய புதல்வரான வைத்­திய கலா­நிதி பகீ­ரதன் தெரி­வித்தார்.

கேச­ரிக்கு வழங்­கிய பிரத்­தி­யேக செவ்­வி­யி­லேயே இவ்­வாறு தெரி­வித்த அவர், விடு­த­லைப்­பு­லிகள் போரியல் முறை­மையை மாற்­றிய­மையும், இந்­தி­யாவின் அனு­சர ணையை இழந்­த­மையுமே தோல்­விக்­கான காரணமாகும் என்றும் கூறினார்.

நான் உரு­வாக்­கிய தமி­ழீழ தேசிய இரா­ணுவம் என்ற அமைப்பின் செயற்­பா­டு­களை புலிகள் விரும்­பி­யி­ருக்­க­வில்லை. ஏகப்­பி­ர­தி­நி­தித்­து­வத்­தி­னையே அவர்கள் முன்­னி­றுத்­தினர் என்றும் அவர் குறிப்­பிட்­டி­ருந்தார். அவர் வழங்­கிய செவ்­வியின் முழு விபரம் வரு­மாறு,

Q: இலங்­கையில் காணப்­படும் தேசிய அர­சியல் மற்றும் தமிழர் தரப்பு அர­சியல் நிலை­மை­களை எவ்­வாறு பார்க்­கின்­றீர்கள்?

A: முதலில் நான் ஒரு விட­யத்­தினை கூறி­வைக்க விரும்­பு­கின்றேன். நான் எந்­த­வி­த­மான அர­சியல் நோக்­கத்தின் அடிப்­ப­டையிலும் எனது கருத்­துக்­களை பதிவு செய்­ய­வில்லை.

நான் இங்­குள்­ள­வர்­க­ளுடன் கலந்­து­ரை­யா­டிய, நேரில் அவ­தா­னித்த மற்றும் ஆய்­வு­ரீ­தி­யாக வாசித்­துப்­பெற்ற தக­வல்­களின் அடிப்­ப­டையில் தான் பதி­ல­ளிக்­கின்றேன்.

தமிழர் தரப்­பினைப் பொறுத்­த­வ­ரையில், ஜன­நாயக ரீதி­யி­லான அர­சியல், ஆயு­த­ரீ­தி­யான அர­சியல் முன்­னெ­டுப்­புக்கள் அனைத்தும் நிறை­வ­டைந்து தற்­போது சது­ரங்க அர­சியல் அல்­லது இரா­ஜ­தந்­திர அர­சியல் முன்­னெ­டுப்­பொன்றே நடை­பெற்­றுக்­கொண்­டி­ருக்­கின்­றது.

தேசிய அர­சியல் கட்­சிகள், சர்­வ­தேச தரப்­புக்கள் அனைத்தும் இந்த விட­யத்­திற்கு முற்­றுப்­புள்­ளி­வைக்க வேண்டும் என்ற எண்­ணப்­பாட்­டுடன் கரி­சனை கொண்­டி­ருப்­ப­தென்­பது  நல்­ல­தொரு சமிக்­ஞை­யா­க­வுள்­ளது.

ஆகவே இந்த விடயம் வெற்றி பெற­வேண்டும் என்­பதே எம் அனை­வ­ரி­னதும் எதிர்­பார்ப்­பாகும். இருப்­பினும் அது வெற்­றி­ய­டையும் முன்பே எத­னையும் எதிர்வு கூறி­வி­ட­மு­டி­யாது.

தமிழ்த் தேசியக் கூட்­ட­மைப்பின் தலை­வரும் எதிர்க்­கட்­சித்­த­லை­வ­ரு­மான இரா.சம்­பந்தன் கூறு­வது போன்று பொரு­ளா­தார ரீதி­யாக நாடு முன்­னேற்­ற­ம­டைய வேண்­டு­மா­க­வி­ருந்தால் சிறு­பான்­மை­யி­னரின் பிரச்­சி­னைகள் தீர்க்­கப்­பட வேண்டும்.

அதே­நேரம் தமிழ் மக்­களின் மனதில் நாம் இலங்­கையர் என்ற மனோ­நி­லையை ஏற்­ப­டுத்­து­வ­தற்­கான நட­வ­டிக்­கைகளை மேற்­கொள்­ள­ வேண்­டி­யது அர­சாங்­கத்தின் கட­மை­யா­கின்­றது.

இந்­தி­யாவில் நான் அதி­க­ள­வான காலத்­தினை செல­வ­ளித்த அனு­ப­வத்தின் பிர­காரம் அங்­குள்­ள­வர்கள் முதலில் இந்­தியன் என்று கூறுவார்கள்.

பின்னர் தான் அவர்­களின் பிராந்­தி­யங்­களை கூறு­வார்கள். ஆனால் இங்கு அவ்­வா­றில்லை. நான் கூட இளம் வயதில் ஸ்ரீலங்கா தாயே நமோ, நமோ என்று இசைக்க முடி­யாது எனக் கூறி சாரணர் இய­க்கத்­தினை விட்டு வெளியே­றியி­ருந்தேன்.

ஆனால் இப்­போது நிலை­மைகள் மாறி யுள்­ளன. ஐக்­கிய இலங்­கைக்­குள்ளேயே தீர்­வொன்றைக் கண்­டறிய வேண் டும் என்­பதே அனைவரி­னதும் நிலைப்­பாடாக இருக்­கையில் அரசாங்கம் அதனை புரிந்து கொண்டு தீர்வை முன்­வைக்க வேண் டும்.

அதன் மூலமே அனை­வ­ரி­டத்திலும் இலங்­கையர் என்ற எண்­ணப்­பாடு தோற் றம் பெறும்.

அதே­நேரம் யுத்தம் நிறுத்­தப்­பட்­டமை நல்­ல­தொரு விட­ய­மாக இருக்­கின்­ற­போதும் மக்­ களின் இழப்பு எமக்கு மிகப்­பெரும் பாதிப்­பாகும். இந்­திய–இலங்கை ஒப்­பந்தம் நடை­மு­றைப்­ப­டுத்­தப்­பட்­டி­ருந்தால் மக்கள் இவ்­வ­ளவு உயி­ரி­ழப்­புகளினை சந்­தித்­தி­ருக்க மாட்­டார்கள்.

இந்­திய–இலங்கை ஒப்­பந்தம் கைச்­சாத்­தாகி இந்­திய இரா­ணுவம் இலங்­கைக்கு வருகை தரும்­போது மூவா­யிரம் பொது­மக்­களும் எழு­நூறு வரை­யி­லான போரா­ளி­க­ளுமே உயி­ரி­ழந்­தி­ருந்­தனர்.

2009ஆம் ஆண்டு முள்­ளி­வாய்க்­கா­லுக்கு முன்­ன­தாக விடு­லைப்­பு­லி­களின் போரா­ளி­களில் 40 ஆயிரம் பேர் வீரச்­சா­வ­டைந்­தி­ருந்­தனர். இறுதி யுத்­தத்­தின்­போது பொது­மக்­க­ளி­னதும் போரா­ளி­க­ளி­னதும் உயி­ரி­ழப்பு மிகவும் அதி­க­மா­னதே.

இதனால் இரண்டு இளம் தலை­மு­றை­யினர் தடந்­தெ­ரி­யா­து­போ­யுள்­ளனர். வடக்­கினை பொறுத்­த­வ­ரையில் இன்­னமும் யுத்­த­பி­ர­தேசம் போன்று தான் உள்­ளது. வியட்­நாமில் யுத்­தத்­திற்கு பின்­ன­ரான நிலை­மைகள் எவ்­வா­றி­ருந்­த­னவோ அவ்­வாறு தான் வடக்­கிலும் நிலை­மைகள் உள்­ளன.

Q: சிங்­கள, பௌத்த தேசி­ய­வாத அர­சி­ய லை ­முன்­னெ­டுத்த பிர­தான கட்­சிகள் இரண்டும் இணைந்­தி­ருந்­தாலும் தற்­போது வரையில் ஒற்றை­யாட்­சிக்­குள்ளே தமிழ் மக்­க ளுக்கு தீர்வை வழங்க முடியும் என்ற நிலைப் பாட்டில் இருக்­கின்­ற­போது சமஷ்டி என்ற சொற்­ப­தத்­தினை கூட விட்­டுக்­கொ­டுக்க தயா ரா­க­வி­ருக்கும் தலை­மைக்கு நியா­ய­மான தீர் ­வொன்றை அளிப்­பார்கள் என்று நம்­பு­கின்­றீர்­களா?

A: தற்­போ­துள்ள சூழலில் அவர்­க­ளு­டைய உரை­களின் அடிப்­ப­டையில் பார்க்­கையில் நியா­ய­மான தீர்வு வழங்­க­வேண்­டு­மென்­ற­தொரு மனோ­ரீ­தி­யான நிலைமை பெரும்­பான்மை தலை­வர்­க­ளி­டத்தில் ஏற்­ பட்­டுள்­ள­தென நான் கரு­த­வில்லை. ஆனால் அத்­த­கை­ய­தொரு நிலைமை ஏற்­ப­ட­வேண்­டு­மென்றே கரு­து­கின்றேன்.

Q: இந்­திய–இலங்கை ஒப்­பந்தம் நடை மு­றைப்­ப­டுத்­தப்­பட்­டி­ருந்தால் இத்­தனை விப­ரீ­தங்­களும் நடை­பெற்­றி­ருக்­காது என்று கூறுகின்­றீர்­களே. அதனை தமிழர் தரப்­பினால் நடை­மு­றைப்­ப­டுத்த முடி­யாது போன­மைக்கு காரணம் என்ன?

A: இந்­திய–இலங்கை ஒப்­பந்­தத்­தினை தமிழ்த் தலை­மைகள் வர­வேற்­றி­ருந்­தன. இருப்­பினும் அவர்கள் அதன் வழி­வந்த மாகாண சபைத் தேர்­தலில் போட்­டி­யி­டு­வதை தவிர்த்­தி­ருந்­தார்கள். இதில் எனக்கு நேர­டி­யான அனுபவம் உள்­ளது. எனது அப்பா (அமிர்­த­லிங்கம்) லண்­டனில் இருந்து

அவ­சர­மாக நாடு திரும்பி கட்­சியின் பொதுச்­ச­பை­யையும், மத்­திய குழு­வி­னையும் கூட்டி தேர்­தலில் போட்­டி­யி­டு­வது குறித்து கலந்­து­ரை­யா­டல்­களை மேற்­கொண்­டி­ருந்தார்.

அதன்­போது கட்­சியின் உறுப்­பி­னர்கள் தமது உயி­ருக்கு ஏற்­படும் ஆபத்­தி­னையே முன்­னி­லைப்­ப­டுத்தி கருத்­துக்­களை வெளிப்படுத்தினார்கள். இதன்­கா­ர­ண­மா­கவே அப்பா ஒரு­படி பின்­நோக்கிச் சிந்­தித்து தேர்­தலில் பங்­கு­பற்­று­வ­தில்லை என்ற முடிவை எடுத்­தி­ருந்தார்.

தமிழர் விடு­த­லைக்­கூட்­டணி மாகாண சபைத் தேர்­தலில் போட்­டி­யிடமாட்­டாது என்ற முடிவை எடுத்­த­மை­யா­னது அப்­போ­தி­ருந்த இந்­திய உயர்ஸ்­தா­னிகர் தீட்­சித்­திற்கு கோபத்­தினை ஏற்­ப­டுத்­தி­யி­ருந்­தது.

அதே­நேரம் பத்­ப­நா­பாவின் இலக்கில் வர­த­ரா­ஜப்­பெ­ரு­மாளை முன்­னி­லைப்­ப­டுத்தி அதனை ஏற்று நடத்த துணிந்­தது மிகப்­பெரும் விடயமாகும்.

அப்­போது நடத்­தப்­பட்ட விட­யங்­களை வைத்து பார்க்­கையில் சரி, ­பிழை என்­ப­தற்கு அப்பால் வட­கி­ழக்கு இணைந்த மாகா­ணத்­தினை ஈ.பி.ஆர்.எல்.எப்.பினர் முன்­னெ­டுத்­தி­ருந்­தமையை சிறந்­த­தொரு படி­யா­கவே நோக்­கலாம்.

உண்­மையில் ஜே.ஆர். தலை­மை­யி­லான அர­சாங்­கத்­திற்கு பெரி­யண்­ண­னாக இருந்த இந்­தி­யாவை எதிர்ப்­ப­தற்கு எந்­த­வி­த­மான வாய்ப்புகளும் காணப்­பட்­டி­ருக்­க­வில்லை. அவர்கள் இந்­தியா சொல்­வதைக் கேட்­க­வேண்­டிய நிலை­மைக்குள் தான் இருந்­தார்கள்.

அவ்­வா­றி­ருக்­கையில் தமிழர் தரப்பில் காணப்­பட்ட ஒற்­று­மை­யற்ற தன்­மையால் சரி­யான முன்­னெ­டுப்­புக்­களை முன்­னெ­டுக்க முடி­யாது போனது. இதனால் தான் மாகாண சபை முறை­மையை சரி­யாக முன்­னெ­டுக்க முடி­யாது போனது. அந்த சந்­தர்ப்­பத்­தினை சரி­யாக பயன்படுத்­தி­யி­ருப்­போ­மானால் தனித் தமி­ழீழத்­தி­னையோ அல்­லது சமஷ்­டி­யையோ இணைந்த வட­கி­ழக்­குடன் அன்றே பெற்றிருப்போம்.

Q: வட­கி­ழக்கு தமிழ் மக்­களின் தள­ப தி­யாக இருந்­தவர் உங்­க­ளு­டைய தந் தையார் முன்னாள் எதிர்க்­கட்­சித்­த­லைவர் அப்­பாப்பிள்ளை அமிர்­த­லிங்கம். அவரின் மறை வின் பின்னர் அவ­ரு­டைய இரண்டு புதல்­வர் களும் சமூ­கத்­தினை விட்டு அந்­நி­ய­மாக இருந் த­மைக்கு காரணம் என்ன?

A: அந்­நி­ய­மாக இருந்து விட்டோம் என்று கூற­மு­டி­யாது. என்னைப் பொறுத்­த­வ­ரையில் அப்­பாவின் மர­ணத்­துடன் எனக்கு காணப்­பட்ட உயிர் அச்­சு­றுத்தல் கார­ண­மாக நான் நாட்டை விட்டு வெளியே­றி­யிருந்தேன். அதன் பின்னர் என்னால் நாட்­டுக்குள் பிர­வே­சிக்க முடி­ய­வில்லை. கடந்த மூன்று வரு­டங்­க­ளாக இலங்­கைக்கு வருகை தர ஆரம்­பித்­தி­ருக்­கின்றேன். ஒரு சில சமூக வேலைத்­திட்­டங்­களை முன்­னெ­டுத்து வரு­கின்றேன்.

Q: எவ்­வா­றான சமூக வேலைத்­திட்­டங் களை முன்­னெ­டுத்து வரு­கின்­றீர்கள்?

A: வடக்­கிலும், கிழக்­கிலும் உள்ள வறு­மையில் கல்வி கற்கும் மாண­வர்­களின் தேவை­க­ளுக்­காக நிதி உத­வி­க­ளைச்­செய்­வ­தோடு பல்­க­லைக்­க­ழக மாண­வர்­க­ளுக்கும் உத­வி­கள் அளிக்­கப்­ப­டு­கின்­றன. ஏடு என்ற ஒரு அமைப்­பினை ஸ்தாபித்து இந்த செயற்­பா­டு­கள் முன்­னெ­டுக்­கப்­ப­டு­கின்­றன.

Q: உங்­க­ளு­டைய அர­சியல் பிர­வே­சத்தின் ஆரம்­ப­மாக இந்த செயற்­பா­டுகள் முன்­னெ­டுக்­கப்­ப­டு­கின்­ற­னவா?

A: இல்லை, எனக்கு அர­சி­யலுக்கு வரும் எண்­ண­மில்லை. இங்கு பிரச்­சி­னைகள், நெருக்­க­டிகள் இருக்­கும்­போது நாங்கள் மக்­க­ளுடன் இருக்­க­வில்லை. அவ்­வா­றான நிலையில் தற்­போது இங்கு வந்து அர­சி­யலில் ஈடு­ப­டு­வது நாக­ரி­க­மற்ற செயற்­பாடு என்­ப­தா­கவே நான் கருது­கின்றேன்.

மேலும் தமிழ் தேசியக் கூட்­டமைப்பின் தலைவர் சம்­பந்தன் மேற்­கொள்ளும் பணி­களை விடவும் நான் இங்­கு­வந்து எத­னையும் செய்­து­வி­டப்­போ­வ­தில்லை. அதன் கார­ணத்­தி­னாலேயே என்னால் இய­லு­மா­ன­வற்றை சமூகத்­திற்கு செய்­வ­தற்­காக இவ்­வா­றான அமைப்­பொன்றை உரு­வாக்கி நட­வ­டிக்­கை­களை மேற்­கொண்டு வரு­கின்றேன்.

Q: மக்கள் சேவையில் அர்ப்­ப­ணிப்­புடன் செயற்­பட்ட உங்­களின் தந்­தை­யாரின் மர­ ணத்­தினால் ஏற்­பட்ட வெறுப்­பா­னது நீங்கள் அர சி­யலில் ஈடு­ப­டு­வ­தற்கு முட்­டுக்­கட்­டை­யாக இருக்­ கின்­ற­தாக கொள்­ள­லாமா?

A: ஒரு­போ­து­மில்லை. அஞ்­சி­னர்க்கு சதா மரணம், அஞ்­சாத நெஞ்­சத்து ஆட­வ­னுக்கு ஒரு மரணம் என்று கூறியே என்­னையும் அண்­ண­னையும் அப்பா வளர்த்தார். எங்­க­ளுக்கு பய­மி­ருக்­க­வில்லை.

அப்பா நன்­றாகப் படம் பார்ப்பார். இர­வுக்­காட்­சிக்­காக யாழ்ப்­பாணம் செல்லும் போது அதற்கு முன்­னைய காட்­சிக்குச் சென்ற இளை­ஞர்கள் கல்­லுண்டாய்வெளியில் பெரிய கற்­களை அல்­லது தென்­னங்­குற்­றி­களை போட்­ட­ுவிட்டுச் சென்­று­வி­டு­வார் கள்.

அப்­போது அப்பா காரை நிறுத்தி விட்டு எங்­களை இறங்­கிச்­சென்று அவற்றை வீதிக்­க­ரை­களில் போடு­மாறு கூறுவார். அப்­போது எங்­க­ளுக்கு பத்து, பன்­னி­ரண்டு வய­தி­ருக்கும். எங்­களு­டைய அம்மா எங்­களை அனுப்ப வேண்டாம் என்று தந்­தை­யுடன் சண்­டை­யி­டுவார். அதெல்லாம் பசு­மை­யான நினை­வுகள்.

ஆனாலும் அப்­பாவின் மரணம் மிகப்­பெ­ரிய இழப்பு. அவரை நான் அப்­பா­வாக பார்க்­க­வில்லை. எனக்கு ஒரு வழி­காட்­டி­யாக இருந்தார். தலை­வ­ராக இருந்தார். அவ­ரு­டைய மரணம் என்னை மிகக் கடு­மை­யாக பாதித்­தி­ருந்­தது.

Q: உங்­க­ளு­டைய சகோ­தரர் காண்­டீபன் தலை­மை­யி­லான இயக்­கமும், உங்­க ளின் பங்­கு­பற்­று­த­லுடன் தமி­ழீழ தேசிய இரா­ணுவம் என்ற இயக்­கமும் உரு­வாக்­கப்­பட்­ட­மைக் கான காரணம் என்ன?

A: அந்­தக்­கா­லப்­ப­கு­தியில் தமி­ழா­ராய்ச்சி மாநாடு மிகவும் சவா­லா­ன­தொரு விட­ய­மா­க­வி­ருந்­தது. அந்த மாநாடு நடை­பெற்று ஒரு­வ­ரு­டத்­திற்குள் எழும்­பூரில் நடை­பெற்ற இரண்டு குண்டு வெடிப்­புச்­சம்­ப­வங்­க­ளுடன் எனது அண்ணன் தொடர்பு பட்­டி­ருந்தார்.

அது சிவ­கு­மாரன் அண்­ணாவின் காலப்­ப­குதி. இளை­ஞர்­க­ளுக்கு ஏதா­வது செய்­ய­வேண்டும் என்ற எண்ணம் இருந்து வந்­தது. அத்­த­கைய சூழலில் தான் அண்­ணாவும் அவ்­வா­றா­ன­தொரு செயற்­பாட்டில் ஈடு­பட்டார்.

பின்னர் அண்ணா காண்­டீபன் அக்­குற்­றத்­திற்­கான தண்­டனையை பெற்று நாடு திரும்­பினார்.

1972 இல் செட்டி தமிழ் புதிய புலிகள் அமைப்­பினை உரு­வாக்கும் போது பிர­பா­கரன், அண்ணா காண்­டீபன், பெரிய சோதி இவ்­வாறு பலர் அதில் பகு­தி­க­ளாக இருந்­தனர்.

பின்­ன­ரான காலப்­ப­கு­தியில் பிர­பா­கரன் தமி­ழீழ விடு­த­லைப்­பு­லிகள் என பிரிந்தார். அண்ணா காண்­டீபன் இங்­கி­லாந்­துக்கு அர­சியல் அடைக்­கலம் கோரிச் சென்­று­விட்டார்.

என்­னைப்­பொ­றுத்­த­வ­ரையில் விடு­த­லைப்­பு­லிகள் உள்­ளிட்ட அனைத்து இயக்­கத்­தி­ன­ரையும் அறிந்­த­வ­னாக இருந் தேன். 1981 இல் நான் இங்­கி­ருந்து வெளியேறி மதுரை மருத்­துவக் கல்­லூ­ரியில் கல்வி கற்கச் சென்­றி­ருந்தேன்.

அச் சந்­தர்ப்­பத்தில் எனக்கு இலங்­கையின் செய்­தி­ த்தாள்கள் இரா­மேஸ்­வரம் ஊடாக கிடைக் கும். நான் வாசித்த பின்னர் அவற்றைப் பெற்றுச்­செல்­வ­தற்­காக கிட்டு அங்கு வருகை தருவார்.

அதன்­போது கலந்­து­ரை­யா­டுவார். புலி­க­ளுடன் அவ்­வா­றா­ன­தொரு புரிந்­து­ணர்வே இருந்­தது. அதன் பின்னர் உமா­ம­கேஸ்­வ­ர­னுக்கும், பிர­பா­க­ர­னுக்கும் பிளவு ஏற்­பட்­ட­போது இரு­த­ரப்­பி­ன­ரு­ட­னான தொடர்­பு­களை நிறுத்­திக்­கொண்டேன்.

அத்­தோடு தமிழர் விடு­தலைக் கூட்­ட­ணியை அனு­ச­ரித்துச் செல்­லக்­கூ­டிய இயக்­க­மொன் றை உரு­வாக்க வேண்­டு­மென நானும் நண்­பர்­களும் சிந்­தித்தோம்.

மன்னார் ஜெய­ராஜா தலை­மைத்­து­வத்தில் பணி­யாற்ற நானும் இன்னும் சில நண்­பர்­களும் இணைந்து தமி­ழீழ தேசிய இரா­ணுவம் (டெனா) என்ற இயக்­கத்­தினை உரு­வாக்­கினோம்.

இதற்கு தமிழர் விடு­தலைக் கூட்­டணி எந்­த­வி­த­மான உத­வி­யையோ ஆத­ர­வையோ வழங்­க­வில்லை. ஒரு குறு­கிய காலம் அந்த இயக்கம் இருந்­தது. நாங்கள் இயங்­கு­வதை விடு­த­லைப்­பு­லி­களும் விரும்­பி­யி­ருக்­க­வில்லை. 1986 இல் ஜெய­ரா­ஜையும் அவர்கள் (புலிகள்) கொலை செய்­தார்கள்.

பின்னர் 1987 இல் இந்­திய–இலங்கை ஒப்­பந்தம் கைச்­சாத்­தா­ன­வுடன் நாம் ஆயுத இயக்­க­மாக தொட­ர­வேண்­டி­ய­தில்லை என்று தீர்­மா­னித்து அவ் ­இ­யக்­கத்­தி­லி­ருந்த அனை­வ­ரையும் அவர்­களின் வீட்­டுக்குச் செல்­லு­மாறு பணித்து இயக்­கத்­தினை கலைத்­தி­ருந்தோம். தொடர்ந்து நான் மது­ரைக்குச் சென்று எனது மருத்­துவக் கல்­வியைத் தொடர ஆரம்­பித்­தி­ருந்தேன்.

Q: ஆயுத இயக்­கத்தில் நீங்கள் ஈடு­பட்ட­ போது உங்­களின் தந்தை எவ்­வாறு பிர­ தி­ப­லித்­தி­ருந்தார்?

A: அப்பா எந்­த­வொரு சந்­தர்ப்­பத்­திலும் இயக்­கங்­களை உரு­வாக்­கு­வ­தற்கோ அந்த வழியில் எங்­களைச் செல்­வ­தற்கோ விரும்­பி­யி­ருக்­க­வு­மில்லை. ஆத­ர­வளிக்­க­வு­மில்லை.

ஆனால் இயக்­கத்­தினை ஆரம்­பிக்கும் விட­யத்­தினை அப்பா அறிந்­த­போது என்­னி­டத்தில், எல்லா இளை­ஞர்­களும் ஆயுத இயக்­கங்­களில் தம்மை ஈடு­ப­டுத்தி பணி­யாற்­றும்­போது உன்னை தடுக்க என்னால் முடி­யாது. ஆனால் உனது கல்­வியை ஏதோ­வொரு வகையில் பூர்த்தி செய்து கொள்ள வேண்டும் என்றே கூறினார். நான் அதனை அப்­போது ஆமோ­தித்­தி­ருந்தேன்.

Q: ஆயுத இயக்­கங்­க­ளுக்கு எதி­ரான நிலைப்­பாட்­டினை கொண்­டி­ருக்­காத உங் களின் தந்­தை­யா­ருக்கும், புலி­க­ளுக்கும் இடை யில் முரண்­பா­டுகள் ஏற்­ப­டு­வ­தற்கு காரணம் என்ன?

A: முத­லா­வ­தாக எனது அப்பா, தமி­ழீழம் கிடைக்­கு­மா­க­வி­ருந்தால் மிக நல்­லது. அல்­லது தமி­ழீ­ழ­மல்­லாது நியா­ய­மா­ன­தொரு தீர்வு கிடைக்கும் என்றால் அதனை ஏற்­றுக் ­கொள்­வ­தென்­பதில் உறு­தி­யாக இருந்தார்.

அர­சாங்­கத்­துடன் பேச்­சு­வார்த்­தைகள் நடை­பெற்று மாவட்­ட­ ச­பைகள் அறி­மு­கப்­ப­டுத்­தப்­பட்ட சம­யத்தில், நீங்கள் மாவட்ட சபை­களை ஏற்றுக்­கொண்­டதால் இளை­ஞர்­க­ளுக்கு மத்­தியில் அதி­ருப்­திக்­குள்­ளாகி வரு­கின்­றீர்கள்.

பிர­பல்யம் குறை­வ­டைய ஆரம்­பித்­தி­ருக்­கின்­றது. இவற்றை அறிந்து கொண்டும் மாவட்ட சபை­களை ஏற்­றுக்­கொண்­ட­மைக்­கான காரணம் என்ன என அப்­பா­வி­டத்தில் கேள்­வி­யெ­ழுப்­பி­யி­ருந்தேன்.

அதன்­போது நாளைய சந்­த­தியின் காலத்தில் எதுவும் கிடைக்­காத பட்­சத்தில் மாவட்ட சபை­யை­யா­வது ஏற்­றி­ருக்­கலாம் என எவரும் என்னை குற்றம் சாட்­டக்­கூ­டாது என்ற கார­ணத்­தி­னா­லேயே மாவட்­ட­சபை விட­யத்­தினை ஏற்­றுக்­கொண்டேன். முதலில் இதனை ஏற்­றுக்­கொண்டு பின்னர் அடுத்த கட்­டத்­திற்குச் செல்­ல­வேண்டும் என்று பதி­ல­ளித்­தி­ருந்தார்.

அடுத்­த­தாக இந்­திய–இலங்கை ஒப்­பந்தம் கைச்­சாத்­தா­கி­யதன் பின்னர் உர்­வாக்­கப்­ப­டு­வ­தா­க­வி­ருந்த இடைக்­கால நிர்வா­கத்­திற்கு புலி­க­ளுக்கு ஏழு ஆச­னங்­களும் தமிழர் விடு­த­லைக்­கூட்­டணி, புளொட், ஈ.பி.ஆர்.எல்.எப்., ரெலோ ஆகி­ய­வற்­றுக்கு தலா ஒவ்­வொரு ஆச­னங்கள் வீதம் வழங்­கப்­பட்­டன. அதில் புளொட் தமக்­கான ஆச­னத்­தினை தமிழர் விடு­தலைக் கூட்­ட­ணிக்கு வழங்­கு­வ­தாக கூறி­யி­ருந்­தது.

இதன்­போதும், ஜன­நா­யக கட்­சி­யா­க ­வி­ருக்கும் தமிழர் விடு­தலைக் கூட்­ட­ணிக்கு ஒரு ஆசனம் வழங்­கப்­ப­டு­கின்­றதை எவ்­வாறு ஏற்றுக்கொள்­கின்­றீர்கள் என்று எனது அப்­பா­வி­டத்தில் வின­வி­யி­ருந்தேன்.

அதன்­போது, இதனை என்­னு­டைய அர­சியல் சார்ந்த பிரச்சினை­யல்ல. எனது கட்சி சார்ந்த பிரச்­சி­னை­யல்ல. எமது மக்­க­ளுக்கு கிடைக்கின்ற ஒரு தீர்­வாக பார்க்­கின்றேன்.

ஆகவே எனக்கு பெரும்­பான்மை கிடைக்­க­வில்லை என்­ப­தற்­காக ஏற்­றுக்­கொள்­ளாது விட்டால் அது நான் செய்யும் மிகப்­பெரும் தவறாகிவிடும்.

விடு­த­லைப்­பு­லி­க­ளி­டத்தில் இடைக்­கால நிர்­வா­கத்­தினை வழங்­கி­னாலும் அதற்கு அடுத்­த­ப­டி­யாக நடை­பெ­ற­வுள்ள தேர்­தலில் மக்கள் தான் தமது பிர­தி­நி­திகள் யார் என்­பதை தீர்­மா­னிப்­பார்கள். மக்கள் எங்­களை தெரிவு செய்­வார்கள் என்ற அதீத நம்­பிக்கை எனக்­குள்­ளது என்று அப்பா கூறி­யி­ருந்தார்.

இடைக்­கால நிர்­வாக சபை­யினை முழு­மை­யாக விடு­தலைப் புலி­க­ளுக்கு வழங்­கி­யா­வது பிரச்­சி­னையைத் தீர்க்க வேண்­டு­மென்று தான் அப்பா விரும்­பினார். ஆனால் விடு­த­லைப்­பு­லிகள் ஆரம்­பத்­தி­லி­ருந்து இடைக்­கால நிர்வாக சபையை தோல்­வி­ய­டையச்­செய்­ய­வேண்டும் என்று தான் நினைத்­தார்கள். அதனால் தான் மூவரின் பெயரை வழங்­கி­யி­ருந்­தனர்.

அந்­நி­லையில் சிவ­ஞானம் யார் என்­பதை புலிகள் நன்­க­றிந்­தி­ருந்­தனர். அவ­ரு­டைய பெயரை ஜே.ஆர். தெரிவு செய்த பின்னர் அவர் வேண்டாம் என்று கூற புலி­களால் முடி­யா­தல்­லவா?

எனது அப்­பா­வினைப் பொறுத்­த­வ­ரையில் சென்­னையில் பல தட­வைகள் பிர­பா­க­ர­னையும், ஏனைய இயக்­கங்­களின் தலை­வர்­க­ளையும் சந்­தித்­தி­ருக்­கின்றார். குட்­டி­மணி தங்­கத்­துரை பாண்­டிச்­சே­ரியில் பிடி­பட்­டி­ருந்­த­போதும், பாண்­டி­ப­சாரில் துப்­பாக்கிச் சூட்டு விவ­கா­ரத்தின் பின்னர் பிர­பா­கரன், உமா­ம­கேஸ்­வரன் ஆகியோர் பிடி­பட்­டி­ருந்­த­போதும் அவர்­களை மீட்­ப­தற்கு நட­வ­டிக்­கை­களை எடுத்­தி­ருந்தார்.

விடு­தலை இயக்­கங்கள் தமி­ழீழத்­தினை நோக்­கிய பாதை­யினை அமைத்துச் செல்­வ­தா­கவே அப்பா நம்­பி­யி­ருந்தார். ஆனால் தமிழர் தரப்­புகளுக்­கி­டையில் எப்­போதுமே பொறா­மை­யான மன­நி­லை­மையே இருந்து வரு­கின்­றது.

1983ஆம் ஆண்டு இனக்­க­ல­வரம் நடை­பெற்­றதன் பின்னர் மக்கள் பயந்­தி­ருந்த நிலையில் வீரமா காளி­யம்மன் ஆலயத்­திற்கு முன்னால் உண்­ணா­வி­ர­தப்­போ­ராட்டம் நடத்­தப்­பட்­ட­போது போராட்­டத்­தினை இடையில் முடி­வுக்கு கொண்­டு­வரும் வகையில் அவர்­க­ளுக்கு உணவுப்பொதிகள் வழங்­கப்­பட்­டன. இது விடு­தலைப் போராட்­டத்­தினை கொச்­சைப்­ப­டுத்தும் விட­ய­மல்­லவா?

தமிழர் விடு­தலைக் கூட்­ட­ணியைப் பொறுத்­த­வ­ரையில் எந்­த­வொரு கால­கட்­டத்­திலும் ஆயுத விடு­தலை இயக்­கங்­களை தமக்கு சவால் மிக்­க­வை­யாக கரு­த­வில்லை.

என்­னு­டைய தந்­தையார் ஒரு­போதும் புலி­களை பகி­ரங்­க­மாக விமர்­சித்­தது கிடை­யாது. அவர் என்றும் எமது இளை­ஞர்கள் என்ற நிலைப்­பாட்­டி­லேயே அனைத்து ஆயுத இயக்­கத்­தி­ன­ரையும் பார்த்தார்.

ஆனால் இந்­திய–இலங்கை ஒப்­பந்தம் கைச்­சாத்திட்ட பின்னர் புலிகள் இந்­திய இரா­ணு­வத்­துடன் யுத்தம் செய்து கொண்­டி­ருந்த போது தான், நாங்கள் கட்­டுப்­ப­டுத்த முடி­யாத சக்­தியை உரு­வாக்கி விட்டோம்.இது எல்­லோ­ரையும் அழித்து தன்­னையும் அழித்­து­விடும் என்று அப்பா கூறினார்.

Q: உங்­களின் தந்தை வௌிப்­ப­டுத்­திய விமர்­சனம் தான் புலிகள் தீர்க்­க­மான முடி­வொன்றை எடுப்­ப­தற்கு வழி­யிட்­டதா?

A: புலி­களைப் பொறுத்­த­வ­ரையில் அவர்கள் ஏகப்­பி­ர­தி­நி­தி­க­ளாக இருக்க வேண்டும் என்றே விரும்­பி­னார்கள். இந்­திய–இலங்கை ஒப்பந்தம் கைச்­சாத்­தி­டு­வ­தற்கு முன்­ன­தாக திரு,திரு­மதி பூரி தெல்­லிப்­ப­ழைக்கு நேர­டி­யாகச் சென்று பிர­பா­க­ர­னுக்கு விளங்கப்படுத்தியிருந்­தனர்.

அதன்போது அவர் ஏற்­றுக்­கொண்­டி­ருந்தார். அதன் பின்னர் சென் னையில் உள்ள மீனம்­பாக்கம் விமான நிலை யத்தில் வைத்து பிர­பா­கரன் ஊட­க­வி­ய­லா­ ளர்­களைச் சந்­தித்­த­போது, இந்­தியா நல்­ லெண்­ணத்­துடன் செயற்­ப­டு­கின்­றது. அத ற்கு நாம் முழு ஆத­ர­வையும் வழங்­குவோம் என்று கூறியே டெல்­லிக்குச் சென்றார்.

பிர­பா­கரன் டெல்­லிக்குச் சென்ற பின்னர், அங்கு தமிழர் விடு­தலைக் கூட்­டணி உட்­பட ஏனைய இயக்கங்­க­ளுடன் கலந்­தாலோ­சித்தே முடிவு எடுக்­கப்­ப­ட­வேண்டும் என இந்­திய மத்­திய அர­சாங்கம் அவ­ரி­டத்தில் கூறி­ய­போது தான் பிர­பா­கரன் கோப­ம­டைந்தார்.

ஆகவே விடு­தலைப் புலிகள் ஏகப்­பி­ர­திநி­தித்­து­வத்­தி­லேயே அதி­க­ளவு கவனம் செலுத்­தி­யி­ருந்­தார்கள். அவர்கள் தங்­களைத் தான் (இயக்­கத்­தி­னையே) முன்­னி­லைப்­ப­டுத்­தி­யி­ருந்­தார்­களே தவிர இனத்­தை­யல்ல.

Q: ஆயுத போராட்ட இயக்­கங்­க­ளி­லேயே அதி­க­ளவு உயிர்­களை தியாகம் செய்­தவர்கள் விடு­த­லைப்­பு­லிகள். அது இனத்திற்கானதாக அமை­யாது என்­கின்­றீர்­களா?

A: அவர்­களின் தியா­கத்­தினை நான் கொச்­சைப்­ப­டுத்­த­வில்லை. இந்­திரா காந்­தியின் காலகட்டம் வித்­தி­யா­ச­மா­னது.

பங்­க­ளா­தே­ஷின் விடு­த­லைக்கு எவ்­வாறு பங்­க­ளிப்­புக்­களை வழங்­கி­னாரோ அதே­போன்று எமது (தமி­ழர்­களின்) விடு­த­லை­யிலும் பங்­க­ளிக்­கலாம் என்ற நிலைப்­பாட்­டி­லேயே இருந்தார். இந்­தியா பிரி­வி­னைக்கு ஆத­ரவு தெரி­வித்­தி­ருக்­காது என்று இப்­போது கூறி­னாலும் அந்தக் காலகட்டம் வித்­தி­யா­ச­மா­னது.

ஆனால் ராஜீவ் காந்­தியின் கால­கட்டம் இதி­லி­ருந்து மாறு­பட்­டது. பார்த்­த­சா­ரதி நீக்­கப்­பட்டு ரொமேஷ் பண்­டாரி உள்­வாங்­கப்­ப­டு­கின்றார். திம்பு பேச்­சு­வார்த்தை நடை­பெற்­றது. ராஜீவ் காந்தி ஐக்­கிய இலங்­கைக்குள் பிரச்­சி­னை­களை தீர்ப்­ப­தற்கே விரும்­பினார்.

ராஜீவ் காந்தி, ஆயு­தக்­கு­ழுக்­களை ஒன்­று­ப­டுத்தி பொது­வான தலை­மைத்­து­வத்­தினை உரு­வாக்க வேண்டும் என்ற நிலைப்­பாட்டில் இருந்தார். அந்த முயற்­சி­களில் தமிழர் விடு­தலைக் கூட்­டணி ஈடு­பட்­ட­போது விடு­த­லைப்­பு­லி­களே மிகப்­பெரும் தடை­யாக இருந்­தனர். அவர்கள் அவ்­வா­றான ஒன்றை விரும்­பி­யி­ருக்­க­வில்லை.

கலைஞர் கரு­ணா­நிதிக்கு முன்னால் சென்று ஏனைய மூன்று இயக்­கங்­களை சேர்த்து பய­ணிப்­ப­தாக கூறி­விட்டு பின்னர் அந்த இயக்­கங்­களை அழித்து விட்­டார்கள். இதே செயற்­பா­டு­க­ளையே தமிழ்த் தலை­மைகள் மீது மேற்­கொண்­டார்கள்.

எனது அப்­பாவுக்கு கோபம் வரும் என்று ஒரு கார­ணத்­தினை கூறலாம். ஆனால் தரு­ம­லிங்கம், ஆலா­ல­சுந்­தரம் போன்­ற­வர்­களை கொலைசெய்­ததை எவ்­வாறு மன்­னிப்­பது? தரு­ம­லிங்கம் மாமா உண்­மை­யி­லேயே மகா­பா­ரதத்தில் தருமர் பாத்­தி­ரத்­திற்கு ஒப்­பா­ன­வரே. அத்­த­கை­ய­வர்­களை அழித்­தது மிகப்­பெரும் அநி­யா­யமே.

Q: உங்­க­ளு­டைய தந்­தையின் மறைவின் பின்னர் தமிழ் மக்­க­ளுக்­கான தலை மைத்­து­வத்தில் இடை­வௌி­யொன்று ஏற்பட்டிருக்கின்­றது என கருது­கின்­றீர்­களா?

A: தற்­போது எதிர்க்­கட்­சித்­த­லை­வ­ரா­கவும் கூட்­ட­மைப்பின் தலை­வ­ரா­கவும் சம்­பந்தன் இருக்­கின்றார். அவர் எனது தந்­தையின் பின்னர் அந்த பாத்­தி­ரத்­தினைப் பொறுப்­பேற்று மிகச் செவ்­வனே செய்­கின்றார் என்­பது தான் எனது நிலைப்­பாடு.

இரா­ஜ­தந்­திர ரீதி­யா­கவும் சரி­யான நகர்­வு­களை கொண்டு செல்­வ­தோடு அவ­ருக்கு தலை­மைக்­கான பல விசேட தன்­மைகள் இருக்­கின்­றன. சம்­பந்தனைப் பற்றி தந்தை செல்­வாவும் சரி­யாக அறிந்­தி­ருந்தார் என்­பதை அப்பா கூறிக் கேள்­விப்­பட்­டி­ருக்­கின்றேன்.

எனது தந்­தையின் மறை­வுக்கு பின்னர் நீண்­ட­தொரு தொய்­வ­டைந்த நிலை­மையில் தான் தமி­ழர்­க­ளுக்­கான தலை­மைத்­துவம் சம்­பந்தனின் கையில் வழங்­கப்­பட்­டி­ருக்­கின்­றது. அந்த பாரிய சுமையை கொண்டு சுமந்து செல்­கின்றார். சம்­பந்தன் ஒரு இரா­ஜ­தந்­திர அர­சி­யல்­வாதி. அவ­ரு­டைய நகர்­வு­களும் வித்­தி­யா­ச­மா­ன­வையே.

Q: இந்­திய–இலங்கை ஒப்­பந்தம் கைச் சாத்­தி­டப்­பட்ட பின்னர் விடு­தலை இயக் கங்­க­ளுக்குள் காணப்­பட்ட ஒற்­று­மை­யின்மை அதனை சரி­யான திசைக்கு கொண்டு செல்­ல மு­டி­யாது போன­தாக கூறி­னீர்கள். தற்­போ­தைய சூழலில் தமிழர் தரப்பில் காணப்­படும் ஒற்­று மையை எப்­படி பார்க்­கின்­றீர்கள்?

A: இன்­னமும் அதே நிலைமை தான் நீடிக்­கின்­றது. அனை­வரும் தமிழ் மக்­க­ளுக்கு தலைமை தாங்க வேண்டும் என்று சிந்­திக்­கின்­றார்கள். அந்த சிந்­த­னையை சற்று நிறுத்தி வைத்து விட்டு இனம் சார்ந்து சிந்­திக்க வேண்டும்

Q::- வடக்கில் சர்ச்­சை­க­ளுடன் இயங்கி வரும் வட­மா­காண சபை குறித்து உங் களின் பார்வை எவ்­வா­றுள்­ளது?

A: எமக்கு முதற்­த­ட­வை­யாக மாகாண சபையை நிர்­வ­கிப்­ப­தற்­கான சந்­தர்ப்பம் கிடைத்­தி­ருந்­தது. அதனை சிறப்­பாக நிர்­வ­கித்து முழு இலங்­கைக்கும் முன்­னு­தா­ர­ண­மாக காட்­டி­யி­ருக்க வேண்டும்.

நீதியரசர் விக்கினேஸ்வரனின் தலைமைத்துவத்தில் அத்தகையதொரு நிலைமை ஏற்பட்டிருக்க வேண்டும். துரதிர்ஷ்டவசமாக அவ்வா றானதொரு நிலைமை ஏற்படாது சர்ச்சைகள் காணப்படுகின்றமை கவலை அளிக்கின்றது.

Q: விடுதலைப் புலிகளின் ஆயுதப்போராட்டம் முள்ளிவாய்க்காலில் முற்றுப்புள்ளிக்கு வந்தமைக்கு காரணம் என்ன?

A: முதலாவதாக தமிழ்த்  தலைவர்களின் மரணங்களைத் தொடர்ந்து விடுதலைப் புலிகளுக்கும் தமிழ்த் தலைவர்களுக் கும் இடையிலான தொடர்பாடல் இல்லாது போயு ள்ளது.

அடுத்ததாக இந்தியா பிரபாகரனின் தலைமைத் துவத்தினை விரும்பியிருக்க வில்லை. அதற்காக மாத்தையாவிடத்தில் தலைமைத் துவத்தினை வழங்கி அவரைப் பயன்படுத்த முனைந்த செயற் பாடுகள் நல்ல உதாரணமாகின்றன.

இறுதியாக விடு தலைப்புலிகள் கொரில்லா போர் முறைமையில் இருந்து மரபியல் ரீதியான யுத்த முறைமைக்கு மாறியமை.

20 சதவீத இனத்தவர்களால் மரபியல் ரீதியான யுத்த முறை மையை முன் னெடுத்து வெற்றி பெறுவ தென்பது மிகவும் கடினமானதொரு விடயம். ஆகவே இவை தான் எனக்கு தெரிந்தவரையில் காரணங்களாக கூற முடியும்.

Q:தமிழர்களின் பிரச்சினைக்கு நியாய மான தீர்வினை விரைவாக பெற்றுக் கொள்வது சாத்தியமாகுமெனக் கருதுகின்றீர் களா?

A: தற்போதைய சூழலில் தமிழர்களின் பிரச்சினையை தீர்க்க வேண்டும் என்ற நிலைப்பாட்டில் இந்தியா உட்பட சர்வ தேசத்தின் பல நாடுகள் அக்கறை செலுத்தி வருகின்றன.

இருப்பினும் இந்தியாவே எமது நாட்டிற்கு அருகில் உள்ள மிகப்பெரும் நாடாகும். இந்தியாவின் அனுசரணையின்றி எமது பிரச் சினைக்கு என்றுமே ஒரு தீர்வு வருவதற்கான சந்தர்ப்பமில்லை.

1983 ஆம் ஆண்டு இனக்கலவரம் நடை பெற்றபோது தமிழகம் மட்டுமன்றி சரண்சிங், வாஜ்பாய் போன்றவர்களும் வட இந்தியர் கள் உட்பட ஒட்டுமொத்த இந்தியாவுமே எமக்காக குரல் எழுப்பியது.

ஆகவே இந்துத் துவ கொள்கையைக் கொண்டிருக்கும் பாரதீய ஜனதா கட்சி எமது விடயங்களில் கொண் டிருக்கும் கரிசனையைப் பயன்படுத்தி அர சாங்கத்திற்கு அழுத்தங்களை செய்ய வைப் பதற்கு முனையலாம்.

Q: அமெரிக்கா, சீனா, இந்தியா, ஜப்பான், போன்ற நாடுகளின் ஆதிக்கப்போட்டி நடைபெறும் இலங்கைத்தீவில் இந்தியா இலங் கைக்கு கணிசமான அழுத்தமொன்றை தமிழர் களுக்காகச் செய்யும் எனக் கருதுகின்றீர்களா?

A: இலங்கைக்கும் இந்தியாவுக்கும் இடையில் ஏனைய நாடுகளைவிடவும் நல்லு றவொன்று இருந்து வருகின்றது. இலங்கை யிலேயே இன்னொரு நாட்டின் அமைதிப் படை அரசாங்கத்தின் அனுமதியுடன் வருகை தந்திருக்கின்ற நிலைமை இடம்பெற்றிருக் கின்றது.

துருக்கியில் சைப்பிரஸ் பிரஜைகளை காப்பாற்றுவதற்கு அமைதிப்படை சென்றி ருந்தாலும் துருக்கி அரசாங்கத்தின் அனும தியைப் பெற்றிருக்கவில்லை.

ஆகவே இலங்கையில் தான் அவ்வாறான நிகழ் வொன்று நடைபெற்றிருக் கின்றது. ஆகவே கடந்த காலத்தில் அத்த கைய செயற்பாட்டினை மேற்கொண்ட இந்தியா தற்போது அரசாங்கத்துடன் இருக்கும் நல்லுறவின் நிமித்தம் வற்புறுத்தலைச் செய்ய முடியும்.

இரண்டாம் உலக யுத்தத்தின் பின்னர் அமெரிக்காவுக்கும் இந்தியாவுக்கும் இடையி லான உறவுகளிலும் மாற்றம் ஏற்பட்டிருக் கின்றது. ஆகவே இந்தியாவின் தலையீடுசாத்தியமானதொன்றாகும்.

நேர்­காணல் : ஆர்.ராம்
படப்­பி­டிப்பு : ஜோய் ஜெயக்­குமார்

About Thinappuyal News