வரட்சியால் அம்பாறையில் 20 ஆயிரத்திற்கும் அதிகமானோர் பாதிப்பு

13

கடும் வரட்சி கார­ண­மாக, அம்­பாறை மாவட்­டத்­தி­லுள்ள 6 பிர­தேச செய­லாளர் பிரி­வு­களைச் சேர்ந்த சுமார் 20,338 பேர் பாதிக்­கப்­பட்­டுள்­ள­தா­க அனர்த்த முகா­மைத்­துவ அமைச்சின் அம்­பாறை மாவட்ட மத்­திய நிலை­யத்தின் உதவிப் பணிப்­பாளர் ஏ.எஸ்.எம்.சியாத் தெரி­வித்தார்.

இந்நிலையில் பாதிக்கப்பட்டவர்களுக்கு பௌஸர் மூலம் குடிநீர் விநி­யோ­கிக்­கப்­பட்டு வருகின்றது.

அம்­பாறை மாவட்­டத்தில் தற்­போது நிலவும் வரட்சியான கால நிலை­யினால் பாதிக்­கப்­ப­டு­ப­வர்­களின் தொகை நாளுக்கு நாள் அதி­க­ரித்து வரு­கின்­றது.

தற்­போது பொத்­துவில், திருக்­கோவில், ஆலை­ய­டி­வேம்பு, நாவி­தன்­வெளி, தமண, லாகு­கல ஆகிய 6 பிர­தேச செய­லாளர் பிரி­வு­க­ளி­லுள்ள சுமார் 6,248 குடும்­பங்­களைச் சேர்ந்த சுமார் 20,338 பேர் பாதிக்­கப்­பட்­டுள்­ள­னர்.

பாதிக்­கப்­பட்ட பிர­தேச மக்­க­ளுக்கு பிர­தேச செய­ல­கங்­க­ளி­னூ­டாக குடிநீர் வினி­யோ­கிக்­கப்­பட்டு வரு­கின்­றது. அனர்த்த முகா­மைத்­துவ அமைச்சின் நிதி ஒதுக்­கீட்டில், பிர­தேச செய­ல­கங்கள் இப்­ப­ணியை நடை­மு­றைப்­ப­டுத்தி வரு­கின்­றன.

வரட்சிப் பிர­தேச மக்­களின் தேவைக்­கேற்ப பௌஸர் மூலம் குடிநீர் வினி­யோ­கிக்­கப்­பட்டு வரு­கின்­றது. இப்­ப­ணிக்கு உள்­ளு­ராட்சி சபை­களும் நிறை­வான ஒத்­து­ழைப்பு நல்கி வரு­கின்­றன.

இதே­வேளை, வரட்சி கார­ண­மாக கிழக்கு மாகாணத்;திலுள்ள பெரிய, சிறிய குளங்கள், ஆறுகள், ஏரிகள், நீர்­நி­லைகள் என்­ப­ன­வற்றின் நீர்­மட்டம் வெகு­வாகக் குறைந்து வரு­வ­தாக அதி­கா­ரிகள் குறிப்­பி­டு­கின்­றனர்.

வரட்சி கார­ண­மாக காட்டு மிரு­கங்­களும் குடி­நீ­ரின்றிப் பாதிக்­கப்­பட்­டுள்­ளன.

தற்­போ­தைய வரட்சிக் கால­நிலை தொட­ரு­மானால், எதிர்­வரும் பெரும்­போக நெற்செய்கை வெகு­வாகப் பாதிக்­கப்­படும் என அம்­பாறை மாவட்ட விவ­சா­யிகள் சுட்­டிக்­காட்­டு­கின்­றனர்.

வரட்சி கார­ண­மாக, அம்பாறை மாவட்டத்தில் இம்முறை சிறுபோகத்தின் போது, மட்டுப்படுத்தப்பட்டளவு காணிகளிலேயே நெற்செய்கை மேற்கொள்ளப்பட்டது. தற்போது அறுவடைப் பணிகள் இறுதிக்கட்டத்தை அடைந்துள்ளமை குறிப்பிடத்தக்கது.

அம்பாறை, வரட்சி, குடிநீர், காட்டுமிருகங்கள்

SHARE