கஞ்சாவை சட்டபூர்வமாக்கியது கனடா!!!

37

கஞ்சாவை சட்டபூர்வமாக்கிய உலக நாடுகளில் கனடா இரண்டாம் இடத்தை பிடித்துக்கொண்டுள்ளது.

போதைப் பொருட்களை சட்ட பூர்வமாக்கிய முதல் நாடு உருகுவேயாகும்.

உருகுவே கடந்த வருடம் போதைப் பொருளை சட்டபூர்வமாக அனுமதித்தமை குறிப்பிடத்தக்கது.

மீள் உருவாக்கத்தை மேற்கொள்ளக் கூடிய கஞ்சாவை சட்டபூர்வமாக்க கோரி கடந்த சில மாதங்களாகவே கனடாவின் பல இடங்களில் மக்கள் அரசிற்கு அழுத்தம் கொடுத்து வந்தனர்.

இந் நிலையிலேயே இன்று முதல் அரசாங்கத்தின் அனுமதியுடன் நாடு முழுவதும் கஞ்சாவை விற்க வாங்க முடியும் என கனடா அரசு தெரிவித்துள்ளது.

ஏறக்குறைய ஒரு நூற்றாண்டிற்கு பின்னர் போதைப் பொருள் தடை உத்தரவிற்கு பின்னர் கனடா அரசு 109 கஞ்சா விற்பனை நிலையங்களை நிறுவ உத்தரவு பிறப்பித்துள்ளது.

இது வரை கறுப்புச் சந்தையில் சட்ட விரோதமாக விற்கப்பட்டு வந்த போதைப் பொருட்களை அரசாங்கத்தின் கண்கானிப்பிற்குள் அதன் அனுமதியுடன் விற்க மற்றும் வாங்க முடியும்.

இச் செயற்பாட்டின் காரணமாக அரசாங்கம் பாரிய இலாபத்தை பெற்றுக் கொள்ளக் கூடியதாய் இருக்கும் என கனடா அரசாங்கத்தின் நிர்வாகப் பிரிவினர் தெரிவித்துள்ளனர்.

அந்த வகையில் கனடா நிவ் ஃபவுண்டலேண்ட் என்ற இடத்தில் டுவீட் என்ற விற்பனையகத்தில் சட்டபூர்வமாக முதலாவது கஞ்சா விற்பனை இடம்பெற்றுள்ளது.

SHARE