முடிவுக்கு வந்த இந்தியாவின் தொடர் சாதனை

நியூசிலாந்து அணிக்கு எதிரான டி20 தொடரை இழந்ததன் மூலம் இந்தியாவின் தொடர் சாதனை முடிவுக்கு வந்துள்ளது.

நியூசிலாந்து அணிக்கு எதிரான கடைசி டி20 போட்டியில் இந்தியா 4 ஓட்டங்கள் வித்தியாசத்தில் தோல்வியை தழுவியது.

இதன் மூலம் 1-2 என்ற கணக்கில் இந்தியா தொடரை இழந்தது, மூன்று போட்டிகள் கொண்ட இருதரப்பு டி20 கிரிக்கெட்டில் இந்தியாவின் சாதனை முடிவிற்கு வந்தது.

இதற்கு முன் இந்தியா 9 இருதரப்பு டி20 கிரிக்கெட் தொடரில் தோல்வியை சந்திக்காமல் தொடர் வெற்றியை ருசித்து வந்தமை குறிப்பிடத்தக்கது.

மிகக் குறைவான ரன்களில் வெற்றி பெற்ற நியூசிலாந்து

மிகக்குறைவான ரன்களில் நியூசிலாந்து வெற்றி பெறுவது இது நான்காவது முறையாகும்.

கடந்த 2010-ல் பாகிஸ்தானுக்கு எதிராக 1 ரன் வித்தியாசத்திலும், 2012-ல் இந்தியாவிற்கு எதிராக 1 ரன்னிலும், 2009-ல் இலங்கைக்கு எதிராக 3 ரன்னிலும் வெற்றிப் பெற்றிருந்தது.

About Thinappuyal News