இரானின் ராணுவ பலம் என்ன? அமெரிக்கா கவலைப்பட வேண்டுமா?

254
இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Getty Images

இரானின் முக்கிய படைத் தளபதியான காசெம் சுலேமானீ அமெரிக்காவல் கொல்லப்பட்டார், இரானும் பதிலடியாக தாக்குதல் நடத்தியுள்ளது. இதனால் இரான் மற்றும் அமெரிக்கா ஆகிய இருநாடுகளுக்கும் இடையே பதற்றமும், இந்த சூழல் போருக்கு வித்திடுமோ என்ற அச்சமும் எழுந்துள்ளது.

இவ்வாறான தாக்குதலால் யார் லாபம் அடைகிறார்கள்? யார் பாதிக்கப்படுகிறார்கள்? அடுத்து இரானும் அமெரிக்காவும் என்ன செய்ய போகின்றன?

இங்கே வெற்றியோ தோல்வியோ அடைந்தது யார்?

இரானுக்கு குறுகிய கால ஆதாயம்

இரான் தனது அதிகாரம் மிக்க முக்கிய ராணுவ தளபதியை இழந்த போதிலும், காசெம் சுலேமானீயின் மரணத்தால் இரானுக்கு குறுகிய கால ஆதாயம் உள்ளது.

சுலேமானீயின் மரணம், அதன் பிறகு நடந்த இறுதி ஊர்வலம் சர்வதேச அளவில் அனைவரையும் திரும்பி பார்க்க வைத்துள்ளது. இதனால் கடந்த நவம்பர் மாதம் பெட்ரோல் விலை உயர்வை கண்டித்து நடத்தப்பட்ட ஆர்ப்பாட்டங்களில் இருந்து டெஹ்ரான் மக்களின் கவனம் மாறியுள்ளது.

இரானின் பிளவுபட்ட அரசியல் போக்கை மீறி, நெருக்கடி நேரத்தில் தங்களால் ஒன்று சேர முடியும் என்பதை இந்த முறை இரான் மக்கள் சர்வதேச அரங்கில் நிரூபித்துள்ளனர்.

2018ல் இரான் அணுசக்தி ஒப்பந்தத்தில் இருந்து அதிபர் டிரம்ப் விலகியதைத் தொடர்ந்து புதுப்பிக்கப்பட்ட அமெரிக்க பொருளாதாரத் தடைக்கு பிறகு இரான் மிகுந்த பொருளாதார அழுத்தங்களுக்கு உள்ளாகியுள்ளது.

கடந்த ஆண்டு, அமெரிக்க ஆளில்லா விமானம் ஒன்றை இரான் வீழ்த்தி, கப்பல் டேங்கர்களையும் இரான் தடுத்து வைத்ததால் இரான் அமெரிக்கா இடையிலான மோதல் அதிகரித்தது.

இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Getty Images

மேலும் சௌதி அரேபியாவின் எண்ணெய் நிறுவனத்தின் மீது நடத்தப்பட்ட தாக்குதலில் இரானுக்கு தொடர்பு உள்ளது என கூறப்பட்டது. ஆனால் அதை இரான் தொடர்ந்து மாறுகிறது.

இராக்கில் உள்ள அமெரிக்க துருப்புகளை குறிவைத்து இரான் ஏற்கனவே ஏவுகணை தாக்குதல் நடத்திவிட்டது. இதன் பிறகு பதிலடி கொடுப்பதை தவிர்த்துவிட்டு, மக்களின் அனுதாப அலைகளை மையமாக வைத்து, அடுத்து என்ன நடக்கப்போகிறது என்பதற்கான பதற்றத்தை எதிர்கொள்ள தயாராவது இரானுக்கு நன்மை அளிக்கும்.

அதே சமயம் இரான் மறுபடியும் பதில் தாக்குதல் நடத்தினால், நிச்சயமாக இரான் வெற்றி அடைந்ததாக கருதப்படாது.

எப்போது எங்கே இரான் மறுபடியும் தாக்குதல் நடத்தப்போகிறது என்பதை பொருத்துதான் சற்று வலிமை குறைந்த ராணுவ பலம் கொண்ட இரான் எவ்வாறு தனது அதிகாரம் மிக்க ராணுவ தளபதியை இழந்த பிறகு அமெரிக்காவின் தாக்குதல் நடவடிக்கைகளை எதிர்கொள்ளப்போகிறது என்பது தெரியவரும்.

அமெரிக்காவிற்கு பாதிப்பா?

இரானின் ராணுவ வலிமையைக் குறைப்பதில் டிரம்ப் நிர்வாகம் வெற்றி பெற்றிருக்கலாம், ஆனால் அதே சமயம் நவம்பரில் நடைபெற இருக்கும் அதிபர் தேர்தலை டிரம்ப் எதிர்கொள்ள வேண்டும்.

இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Getty Images

இதனால் சௌதி அரேபியா மற்றும் இஸ்ரேல் போன்ற நேச நாடுகளிடம் வலிமை மற்றும் ஒற்றுமையை வலியுறுத்துகின்றன.

ஆனால் அமெரிக்கா மீண்டும் பழிவாங்கும் நடவடிக்கையில் ஈடுபட்டால், எண்ணெய் விலை அதிகரிக்கக்கூடும். இன்னும் பல அமெரிக்க உயிர்களை இழக்க நேரிடும். நீண்டகாலமாக நடைபெற்று வரும் மற்றொரு பிராந்திய யுத்தத்தைத் தூண்டக்கூடும். இது மத்திய கிழக்கு மற்றும் பிற நாடுகளிலும் மாற்றத்தை ஏற்படுத்தக்கூடும்.

இராக்கின் ஷியா படைகள்

இராக்கில் உள்ள இரான் ஆதரவு ஷியா போராளிகள் இந்த நெருக்கடி நிலை நீடிக்கும் வரை பயனடைய கூடும்.

சுலேமானீயின் மரணத்தால், இராக்கிலேயே ஷியா போராளிகள் தங்க வேண்டும் என்பதற்கான அவசியத்தை நிரூபிக்கும் நேரமாக தற்போது நிலைமை மாறியுள்ளது. தற்போது ஷியா போராளிகள் இழந்த செல்வாக்கை மீட்டெடுக்கின்றனர்.

இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Reuters

இராக்கில் இருந்து அமெரிக்க துருப்புகளை வெளியேற்ற வேண்டும் என்பது ஷியா போராளிகளின் நீண்ட நாள் கோரிக்கையாக இருந்தது.

ஐ.எஸ் மற்றும் அல்-கய்தா போன்ற பயங்கரவாத குழுக்கள் இராக்கில் வலிமை பெரும் நிலை தற்போது உருவாகியுள்ளது. இராக்கில் பாதுகாப்பின்மை அதிகரித்துள்ளது.

இஸ்ரேல்

இரானுக்கும் இஸ்ரேலுக்கும் நீண்ட நாட்களாக மோதல் நிலவுகிறது. யூத அரசை விளக்கி வைக்க வேண்டும் என்பது இரானின் நீண்ட நாள் விருப்பமாக உள்ளது.

இஸ்ரேல் தரப்பிற்கு இன்னும் பல அச்சுறுத்தல்கள் இன்றும் உள்ளன. இஸ்ரேலின் விரோதிகளான லெபனான் போராளிக் குழுவான ஹிஸ்புல்லா மற்றும் சிரியாவின் ஜனாதிபதி பஷர் அல் ஆசாத் ஆகியோருக்கு இரான் அளிக்கும் ஆதரவும் இதில் அடங்கும்.

இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Getty Images

எவ்வாறாயினும், சுலேமானீயின் மரணம் இரானைக் கட்டுப்படுத்துவதற்கான அமெரிக்காவின் வளர்ந்து வரும் நோக்கத்தைக் குறிக்கிறது.

அமெரிக்காவின் தலையீடு , இஸ்ரேலில் அதிகரிக்கும் இரானின் வலிமையை மட்டுப்படுத்தும் என்பதால், இஸ்ரேல் இந்த சூழலை சாதகமாக அணுகுகிறது.

இஸ்ரேல் அமெரிக்காவுடன் நின்று அமைதி, பாதுகாப்புக்காக போராட்டம் என்று இஸ்ரேல் பிரதமர் பெஞ்சமின் நேத்தன்யாகு தெரிவித்துள்ளார்.

மித்திய கிழக்கு நாடுகளின் போராளிகள்

இரான் – அமெரிக்கா இடையேயான மோதலால், மத்திய கிழக்கு நாடுகள் முழுவதும் நடைபெறும் எதிர்ப்பு போராட்டங்களை கட்டுப்படுத்த முயற்சி மேற்கொள்ளப்படும்.

இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Reuters

குறிப்பாக இராக், லெபனான், மற்றும் இரானில் வேலைவாய்ப்பின்மை மற்றும் ஊழலுக்கு எதிராக நடைபெறும் போராட்டங்கள் தேசிய பாதுகாப்பு என்ற பெயரில் முழுமையாக கட்டுப்படுத்தப்படும்.

அரசாங்கங்கள் ஒரு படி மேலே சென்று அரசியல் செயல்பாட்டாளர்கள் மீதான வன்முறைகளை நியாயப்படுத்தவும், அரசியல் சீர்திருத்தம் மேற்கொள்வதற்கான எந்தவொரு முயற்சியிலும் ஈடுபடாமல் இருக்க இந்த நெருக்கடி நிலையை பயன்படுத்தலாம்.

சௌதிஅரேபியா மற்றும் ஐக்கிய அரபு நாடுகள்

சௌதி அரேபியா மற்றும் ஐக்கிய அரபு நாடுகள் ஆபத்தான நிலையில் உள்ளன. கடந்த ஆண்டு ஹோர்முஸ் நீரிணையில் நடந்த கப்பல் தாக்குதல் மற்றும் சௌதி எண்ணெய் நிலையங்கள் மீதான தாக்குதல் என இரண்டு தாக்குதகளால் இரு நாடுகளும் நேரடியாக பாதிக்கப்பட்டுள்ளன.

இந்த இரண்டு தாக்குதலுக்கு பின்னணியிலும் இரான் இருப்பதாக நம்பப்படுகிறது. ஆனால் இதுவரை இரான் இந்த இரண்டு தாக்குதலுக்கும் பொறுப்பேற்கவில்லை.

இரான் தாக்குதல் : பாதிக்கப்பட்டவர்கள் யார் ?படத்தின் காப்புரிமை Reuters

இதற்கு பதிலளிக்கும் விதமாக, ஐக்கிய அரபு நாடுகள் தொடர்ந்து டெஹ்ரானுடனான நிலைமையை எளிதாக்க முயல்கிறது. அதே நேரத்தில் சௌதி அரேபியா அமெரிக்க அரசின் பிடியில் உள்ளது.

சுலேமானீயின் மரணத்திற்கு பிறகு, சௌதி பாதுகாப்பு அமைச்சர் டிரம்ப் நிர்வாகத்துடன் பேச்சுவார்த்தைக்காக வாஷிங்டனுக்கு சென்றதால், இரு நாடுகளும் அமைதியை வலியுறுத்தி அழைப்பு விடுத்துள்ளனர்.

ஐரோப்பிய நாடுகள்

இரான் உடனான அணுசக்தி ஒப்பந்தத்தைத் தக்கவைக்க ஏற்கனவே போராடி வரும் ஐரோப்பிய நாடுகள் அமெரிக்காவிற்கும் இரானுக்கும் இடையில் மோசமாக சிக்கிக்கொண்டுள்ளன.

அமெரிக்க அரசு ட்ரோன் தாக்குதல் குறித்து இங்கிலாந்துக்கு முன்கூட்டியே எச்சரிக்கை வழங்கப்படவில்லை. இது தற்போது நிலவும் பதற்றங்கள் காரணமாக இருக்கலாம் அல்லது குறைந்த பட்சம் தகவல் பரிமாற்றம் இல்லாததையும் இந்த நிலை குறிக்கிறது.

கிட்டத்தட்ட ஒரு தசாப்தத்திற்கு முன்னர் நடந்த அரபு எழுச்சி தூண்டிய ஆளுகை மற்றும் பிராந்திய ஸ்திரத்தன்மை பிரச்சனைகள் தீர்க்கப்படாமல் உள்ளன என்பதை சுலேமானீயின் கொலை நினைவூட்டுகிறது.

இரானின் ராணுவ பலம் என்ன? அமெரிக்கா கவலைப்பட வேண்டுமா?

இராக்கில் அமெரிக்க படைகள் நிறுத்தப்பட்டுள்ள இரண்டு விமானத் தளங்கள் மீது இரான் தாக்குதல் நடத்தியுள்ளது.

வெள்ளிக்கிழமையன்று டிரோன் விமான தாக்குதலில் இரானின் புரட்சிகர ராணுவ படைப்பிரிவின் தலைவரும், அந்த நாட்டிலேயே அதிக அதிகாரம் பெற்ற ராணுவத் தளபதியாக விளங்கியவருமான ஜெனரல் காசெம் சுலேமானீ கொல்லப்பட்டார்.

இரானின் ராணுவ பலம் பற்றி நமக்கு என்ன தெரிந்திருக்கிறது?
இரானிடம் என்ன மாதிரியான ஏவுகணைகள் உள்ளன?

இஸ்ரேல், சௌதி அரேபியா போன்ற இரானின் எதிரி நாடுகளுடன் ஒப்பிடும்போது விமானப் படையின் பலம் குறைவாக இருந்தாலும், இரானின் ஏவுகணை பலம் அதன் ராணுவ பலத்தின் முக்கிய அம்சமாக உள்ளது.
மத்திய கிழக்கு பிராந்தியத்தில் அதிக அளவிலான ஏவுகணைகளை இரான் வைத்திருக்கிறது என்று அமெரிக்க பாதுகாப்புத் துறையின் அறிக்கையில் தெரிவிக்கப்பட்டுள்ளது.

அவற்றில் பெரும்பாலானவை நீண்ட தூரம் சென்று தாக்கும் திறன் மற்றும் நடுத்தர தொலைவுக்குச் சென்று தாக்கும் திறன் கொண்ட ஏவுகணைகள் அதிகமாக உள்ளன. ஏவுகணைகள் இன்னும் வேகமாக பயணிப்பதற்காக, கண்டம் விட்டு கண்டம் பாயும் ஏவுகணைகளைத் தயாரிக்கும் நோக்கில், தங்கள் விண்வெளி தொழில்நுட்பத்தை மேம்படுத்தவும் இரான் முயற்சி மேற்கொண்டுள்ளது என்றும் அந்த அறிக்கையில் குறிப்பிடப் பட்டுள்ளது.

இருந்தபோதிலும், 2015ல் வெளிநாடுகளுடன் செய்து கொண்ட அணுசக்தி ஒப்பந்தத்தின் ஒரு பகுதியாக, நீண்டதூரம் சென்று தாக்கும் ஏவுகணை தயாரிப்பு திட்டத்தை இரான் நிறுத்தியுள்ளது என்று ராயல் யுனைடெட் சர்வீஸஸ் இன்ஸ்டிடியூட் கூறியுள்ளது. ஆனால் அந்த ஒப்பந்தம் உறுதியானதாக இருக்குமா என்ற சந்தேகமான சூழ்நிலையில், ஏவுகணை தயாரிப்பை இரான் மீண்டும் தொடங்கி இருக்கலாம் என்றும் அது கூறுகிறது.

காசெம் சுலேமானி கொலைக்கு பிறகு 2015ஆம் ஆண்டு விதிக்கப்பட்ட கட்டுப்பாடுகளுக்கு இனி கீழ்ப்படியப் போவதில்லை என இரான் அறிவித்துள்ளது.
எப்படி இருந்தாலும் சௌதி அரேபியா மற்றும் வளைகுடா பகுதிகளில் உள்ள பல இலக்குகள் இரானிடம் இப்போதுள்ள குறுகிய தொலைவு மற்றும் நடுத்தர தொலைவு சென்று தாக்கும் ஏவுகணைகளின் பயண திறன்களுக்கு உள்பட்ட எல்லையில் தான் இருக்கின்றன. இஸ்ரேலில் உள்ள இலக்குகளும் இதே வரம்பில் உள்ளன.

இரானுடன் மோதல் பதற்றம் அதிகரித்த சூழ்நிலையில், கடந்த ஆண்டில் மத்திய கிழக்குப் பகுதியில் அமெரிக்கா பேட்ரியாட் எனப்படும் ஏவுகணை இடைமறிப்பு ஏவுகணைகளை கடந்த ஆண்டு மே மாதம் நிறுத்தியது.

கண்டம் விட்டு கண்டம் பாயும் ஏவுகணைகள், குறைந்த உயரத்தில் பறக்கும் ஏவுகணைகள் மற்றும் நவீன விமானங்களை இடைமறித்து தாக்குவதற்காக இந்த பேட்ரியாட் ஏவுகணை பயன்படுத்தப்படுகின்றன.

இரான் ராணுவத்தில் பல்வேறு நிலைகளில் 523,00 வீரர்கள் இருப்பதாக, பிரிட்டனை சேர்ந்த சர்வதேச ராணுவ ஆய்வுகள் நிலையம் கூறியுள்ளது.

இதில் வழக்கமான ராணுவப் பணியில் உள்ள 350,000 பேரும், இஸ்லாமிய புரட்சிப் பாதுகாப்புப் படைப் பிரிவுகளில் (ஐ.ஆர்.ஜி.சி.) உள்ள 150,000 பேரும் அடங்குவர்.

ஐ.ஆர்.ஜி.சி.யின் கடற்படைப் பிரிவுகளில் 20,000 பேர் உள்ளனர். ஹோர்முஸ் நீரிணை பகுதியில் ஆயுதம் ஏந்திய கண்காணிப்புப் படகுகளை இந்தக் குழு இயக்கி வருகிறது. 2019ல் வெளிநாட்டுக் கொடிகளுடன் வந்த ஏராளமான வெளிநாட்டு டேங்கர் கப்பல்கள் மறிக்கப்பட்ட பகுதி இதுவாகும்.

உள்நாட்டு புரட்சியை ஒடுக்குவதற்கு உதவிய தன்னார்வலர் படைப் பிரிவான பாசிஜ் பிரிவையும் ஐ.ஆர்.ஜி.சி. கட்டுப்படுத்துகிறது. இந்த படைப் பிரிவு பல நூறாயிரம் பேரை திரட்டும் திறன் கொண்டது.

இரானில் இஸ்லாமிய அமைப்பு முறையைப் பாதுகாப்பதற்காக 40 ஆண்டுகளுக்கு முன்பு ஐ.ஆர்.ஜி.சி. உருவாக்கப்பட்டது. அப்போதிருந்து முக்கியமான ராணுவ, அரசியல் மற்றும் பொருளாதார சக்தியாக அது செயல்பட்டு வருகிறது.

வழக்கமான ராணுவத்தைவிட இதில் உள்ள வீரர்களின் எண்ணிக்கை குறைவுதான் என்றாலும், இரானில் வலிமையான ராணுவ படைப் பிரிவாக இது கருதப்படுகிறது.

ஜெனரல் காசெம் சுலேமானி தலைமையில் செயல்பட்டு வந்த ‘குட்ஸ்’ படைப் பிரிவு, ஐ.ஆர்.ஜி.சி.க்காக வெளிநாடுகளில் ரகசிய நடவடிக்கைகளில் ஈடுபட்டு வருகிறது.
நேரடியாக இரானின் அதிஉயர் தலைவர் காமேனியுடன் தொடர்பில் உள்ள பிரிவு. அதில் 5,000 பேர் இருப்பதாக நம்பப்படுகிறது. அந்தப் பிரிவு சிரியாவில் பணியில் ஈடுபடுத்தப்பட்டுள்ளது.

சிரிய அதிபர் பஷர் அல்-ஆசாத்துக்கு விசுவாசமான ராணுவத்தினருக்கும் மற்றும் ஷியா பிரிவின் ஆயுதப் போராளிகளுக்கும் ஆலோசனைகள் அளித்தது. இராக்கில், ஐ.எஸ். தீவிரவாதிகளை அழிக்க உதவிய ஷியா பிரிவினரை பெரும்பான்மையாகக் கொண்ட துணை நிலை ராணுவத்தினருக்கு அந்தப் பிரிவு ஆதரவு அளித்தது.

இருந்தபோதிலும், மத்திய கிழக்கில் உள்ள பயங்கரவாத குழுக்கள் என்று வாஷிங்டன் அறிவித்துள்ள அமைப்புகளுக்கு நிதி, பயிற்சி, ஆயுதங்கள் மற்றும் சாதனங்கள் அளிப்பதில் குட்ஸ் பிரிவு பெரும்பங்கு வகிப்பதாக அமெரிக்கா கூறுகிறது. லெபனானின் ஹெஸ்பொல்லா இயக்கம் மற்றும் பாலஸ்தீனத்தின் இஸ்லாமியவாத ஜிகாத் ஆகியவை இதில் அடங்கும் என்றும் குறிப்பிட்டுள்ளது.

அந்தப் பிராந்தியத்தில் மற்ற நாடுகளுடன் ஒப்பிடும்போது இரான் ராணுவம் சிறியது என்றாலும், பொருளாதார தடைகள் காரணமாக, இரானின் ஆயுத இறக்குமதி பாதிக்கப்பட்டது.

2009க்கும் 2018க்கும் இடைப்பட்ட காலத்தில் இரான் பாதுகாப்புத் துறை இறக்குமதிகள், அதே காலக்கட்டத்தில் பாதுகாப்புத் துறை இறக்குமதிக்கு சௌதி அரேபியா செலவிட்ட தொகையில் 3.5 சதவீதம் மட்டுமே என்று ஸ்டாக்ஹோம் சர்வதேச அமைதி ஆராய்ச்சி நிலையம் தெரிவித்துள்ளது. இரானின் பெரும்பாலான தளவாட இறக்குமதிகள் ரஷ்யா மற்றும் சீனாவில் இருந்து வந்துள்ளன.

இரானிடம் இப்போது அணு ஆயுதத் திட்டம் எதுவும் இல்லை. தங்களுக்கு அது தேவையில்லை என்று முன்பு ஈரான் கூறியுள்ளது. ஆனால், அதற்குத் தேவையான பல சாதனங்கள் இரானிடம் உள்ளன.

ராணுவ பயன்பாட்டுக்கு அணு ஆயுதம் தயாரிக்கும் திறன் ஈரானிடம் உள்ளது. அணு ஆயுதம் தயாரிக்கும் அணுசக்திப் பொருளைத் தயாரிக்க இரானுக்கு இரண்டு முதல் மூன்று மாதங்கள் மட்டும் போதும் என்று 2015ல் ஒபாமா அதிபராக இருந்தபோது அமெரிக்கா கணித்து வைத்திருந்தது.

அந்த ஆண்டில் இரானுக்கும், ஆறு வல்லாதிக்க நாடுகளுக்கும் இடையில் ஏற்பட்ட ஒப்பந்தத்தின்படி, இரானின் அணு சக்தி செயல்பாடுகளுக்கு வரம்புகளும், சர்வதேச பரிசோதனை முறைகளும் அமலுக்கு வந்தன.
அந்த ஒப்பந்தத்தில் இருந்து 2018ல் அமெரிக்க அதிபர் டிரம்ப் விலகிக் கொண்டார். ஆயுதம் தயாரிப்பதற்கான செறிவான பொருள் தயாரிப்பதை கடினமானதாகவும், அதிக காலம் தேவைப்படும் விஷயமாகவும் மாற்றும் வகையில் அந்த ஒப்பந்தம் உள்ளது.

ஜெனரல் காசெம் சுலேமானி கொலை செய்யப்பட்டதை அடுத்து, தாங்கள் இந்த ஒப்பந்தத்திற்கு கட்டுப்பட்டு நடக்க வேண்டிய அவசியம் இல்லை என்று இரான் கூறியுள்ளது. ஆனாலும், அணு சக்தி செயல்பாடுகளைக் கண்காணிக்கும் ஐ.நா.வின் ஐ.ஏ.இ.ஏ. அமைப்புக்கு தொடர்ந்து ஒத்துழைப்பு அளிப்போம் என்றும் தெரிவித்துள்ளது.

பல ஆண்டுகள் தடை விதிக்கப்பட்ட நிலையிலும், இரானும் ஆளில்லா விமானங்களை உருவாக்கும் திறனைப் பெற்றுள்ளது.

இராக்கில் ஐ.எஸ். அமைப்பினருக்கு எதிரான போரில் 2016ல் இருந்து இரானின் ஆளில்லா விமானங்கள் பயன்படுத்தப்பட்டன. சிரியாவில் இருந்து இயக்கப்பட்ட, ஆயுதம் தாங்கிய ஆளில்லா விமானங்கள் இஸ்ரேலின் வான் எல்லைக்குள்ளும் சென்றன என்றும் ராயல் யுனைடெட் சர்வீஸஸ் இன்ஸ்டிடியூட் கூறியுள்ளது.

2019ல் ஆளில்லா விமானம் மூலம் நடந்த தாக்குதலில் சௌதியில் இரண்டு முக்கிய எண்ணெய்க் கிணறு வளாகங்கள் சேதமடைந்தன. இரான் தான் அந்தத் தாக்குதலை நடத்தியது என்று அமெரிக்காவும், சௌதியும் குற்றஞ்சாட்டின.
ஆனால் அதில் தங்களுக்குப் பொறுப்பு இல்லை என்றும், ஏமனில் உள்ள கலகக்காரர்கள் தான் அந்தத் தாக்குதலை நடத்தினார்கள் என்றும் இரான் கூறியது.

2010ஆம் ஆண்டில் இரானின் அணுசக்தி மையங்கள் மீது இணைய வழி தாக்குதல் நடந்ததைத் தொடர்ந்து, கணினி வழி பாதுகாப்பு முறைமைகளை இரான் பெரிய அளவில் மேம்படுத்திக் கொண்டுள்ளது.
ஐ.ஆர்.ஜி.சி. பிரிவு தனக்கென ஒரு கணினி கட்டுப்பாட்டை வைத்திருப்பதாகவும், வணிக மற்றும் ராணுவ உளவு பணிகளுக்கு அதைப் பயன்படுத்தி வருவதாகவும் நம்பப்படுகிறது.

2012ல அமெரிக்க வங்கிகள் மீது தொடர்ச்சியாக இணைய வழி தாக்குதல்களை இரான் நடத்தியதாக அமெரிக்கா குற்றஞ்சாட்டியது. அவர்களுடைய இணையதள சேவைகளை முடக்கும் நோக்கில் அந்தத் தாக்குதல்கள் இருந்ததாகத் தெரிவிக்கப்பட்டது.

உலகம் முழுக்க தங்களுடைய இணைய வழி உளவு பணிகளுக்கு, விமான தயாரிப்பு நிறுவனங்கள், பாதுகாப்புத் துறை ஒப்பந்த நிறுவனங்கள், எரிசக்தி மற்றும் இயற்கை வள ஆதார நிறுவனங்கள், தொலைத்தொடர்பு நிறுவனங்களை இரான் குறிவைத்துள்ளது என்று 2019ல் அமெரிக்க ராணுவ அறிக்கை தெரிவித்தது.

இரான் அரசுடன் தொடர்பு உள்ள மற்றும் இரானில் இருந்து செயல்படுத்தப்பட்ட ஹேக்கர் குழு ஒன்று, அமெரிக்க அதிபர் தேர்தல் பிரசாரத்தைக் குறி வைத்து, அமெரிக்க அரசு அதிகாரிகளின் கணக்குகளில் நுழைய முயற்சி செய்தது என்று 2019ல் மைக்ரோசாப்ட் நிறுவனம் தெரிவித்துள்ளது.

 

SHARE