பொருளாதார ஏகாதிபத்தியம் : தனது பொருளாதார வலிமையைப் பயன்படுத்தி நாடுகளை அடிபணியச் செய்ய செய்யும் சீனாவின் திட்டம் இது தான்.பொருளாதார ஏகாதிபத்தியம் : தனது பொருளாதார வலிமையைப் பயன்படுத்தி நாடுகளை அடிபணியச் செய்ய செய்யும் சீனாவின் திட்டம் இது தான்.!   இரண்டாம் உலகப் போர் முடிந்தது முதல்,யாரும் கண்டிராத கடும் சிக்கலை வுஹான் கொரனா வைரஸ் உலகம் மீது கட்டவிழ்த்துட்டுள்ளது. உலப்பொருளாதாரம் நலிவடைந்து கிடக்கிறது. மக்கள் இன்னும் பெரிய அளவில் பல நாடுகளில் மரணமடைந்து கொண்டிருக்கிறார்கள். கொரானா வைரஸுடன் நாம் நெடுநாள் வாழ வேண்டியிருக்கும் என்ற உண்மையும் கொஞ்சம் கொஞ்சமாக புரிய ஆரம்பித்துள்ளது. இந்த ஆபத்தை உலகம் முழுதும் ஒன்றிணைந்து போராடும் என்று எதிர்பார்க்கப்பட்டாலும், வாழ்க்கையின் சில அடிப்படை உண்மைகளை எல்லாரும் வெகு விரைவில் அறிந்து கொண்டார்கள்.காரணம், இந்தப் பேரழிவின் மையத்தில் சீனா உள்ளது. Also Read – ₹ 60,000 கோடி மதிப்புள்ள கோவில் சொத்துக்கள்- நீதிமன்ற உத்தரவால் மீட்க நடவடிக்கை! கொரானா வைரஸின் தீவிரத்தைக் குறித்து உலகத்துக்கு எச்சரிக்கை கொடுக்காமல், WHO வில் தனக்குரிய செல்வாக்கை பயன்படுத்தி நாடுகளை அக்கறையில்லாமல் இருக்க செய்து விட்டு, இப்போது தன்னுடைய பொருளாதார அசுர பலத்தை பயன்படுத்தி உலகத்தை அடிபணிய வைக்கப் பார்க்கிறது சீனா. உலகளாவிய அளவில் உற்பத்தித் தொழிற்சாலைகளின் மையமாக இருப்பதால் , அடுத்த நாடுகளின் மீது அதற்கு வலுவான பிடி உள்ளது. தான் நினைத்தால் அந்த நாடுகளின் பொருளாதாரத்தை முடக்க முடியம் என்றும் சீனாவுக்கு நன்றாகத் தெரியும். Also Read – கோவிட் பொருட்களுக்கான பொது கொள்முதல் விதிகளை எளிதாக்கியது மத்திய அரசாங்கம்! இதன் அடிப்படையில் தான் வுஹான் வைரஸ் என்று அமெரிக்க அதிபர் டொனால்ட் டிரம்ப் அழைத்த போது மருத்துவ விநியோகங்களை அமெரிக்காவிற்கு நிறுத்தி விடுவதாக சீனா மிரட்டியது. சீனா அப்படி நிஜமாகவே செய்திருந்தால் அமெரிக்கா கடுமையாக பாதிக்கப்பட்டிருக்கும். அமெரிக்காவின் 95% anti biotics மருந்து சீனாவிலிருந்து வருகிறது. அமெரிக்க அதிபரும் வுஹான் வைரஸ் என்று அழைப்பதை வெகு விரைவில் நிறுத்தி விட்டார். இந்த வெற்றியின் மூலம் துணிவடைந்த சீனா மற்றவர்களையும் இப்போது மிரட்ட ஆரம்பித்திருக்கிறது.போன மாதம் நெதர்லாந்துக்கு மருத்துவ உதவிகளை நிறுத்தி விடுவித்தாக மிரட்டியது. தைவான ,முகக்கவசங்களை நெதெர்லாந்துக்கு அனுப்பியதற்கு நன்றி தெரிவிக்கும் விதமாக, தைவானிலிருக்கும் தங்கள் தூதரகத்துக்கு ‘Netherlands office Taipei’ என்று பெயர் மாற்றினர். தங்களுடைய ‘ஒரே சீனா’ கொளகைக்கு இது பொருந்தாததால் சீனா கோபமடைந்தது . Also Read – ‘ஸ்ரீரங்கம் ஜீயரைத் தேர்ந்தெடுப்பதில் அரசு தலையிடக் கூடாது’- வைணவர்கள் கண்டனம்! இந்த வார தொடக்கத்தில், ஜப்பானிய கடலில் செங்காகு தீவுகளுக்கு அருகே சீன அரசாங்க கப்பல்கள் ஜப்பானிய மீன்பிடி படகுகளை துரத்தியது. இந்த சம்பவம் தொடர்பாக டோக்கியோ தனது எதிர்ப்பை சீனாவுக்கு பதிவு செய்தது. மேலும், கொரோனா வைரஸ் தொற்றுநோயின் தோற்றம் குறித்து விசாரணை நடத்த வேண்டும் என்ற கோரிக்கையை ஆஸ்திரேலியா திரும்பப் பெற மறுத்ததைத் தொடர்ந்து ஆஸ்திரேலிய பார்லி மீது 80 சதவீத இறக்குமதி வரியை விதிக்க சீனா அச்சுறுத்தியதால் ஆஸ்திரேலியாவும் சீனாவின் கோபத்தை அனுபவிக்கக்கூடும். இவை அனைத்திற்கும் மேலாக, இரண்டு சீன ஊடகங்கள், கிர்கிஸ்தான் மற்றும் கஜகஸ்தான் ஆகியவை சீனாவின் ஒரு பகுதியாக இருந்தன என்றும் கஜகஸ்தானும் கூட “சீனாவுக்குத் திரும்ப ஆர்வமாக உள்ளன” என்றும் கூறியது. இந்த இரு நாடுகளும் சீனாவிடமிருந்து பெரும் நிதி முதலீடுகளைப் பெற்றுள்ளன, அவை கம்யூனிஸ்ட் ஆட்சியின் விரோதப் போக்குகளுக்கு குறிப்பாக பாதிக்கப்படக்கூடியவை. Also Read – PM-KISAN திட்டத்தின் கீழ் கர்நாடகாவில் 55 லட்ச விவசாயிகள் 985.61 கோடி பெற்றனர்! சீனாவின் இந்த திட்டம் , நிச்சயமாக, அமெரிக்கா பின்பற்றும் திட்டத்தை விட வேறுபட்டதல்ல. பிற நாடுகளின் இறையாண்மையைக் குறைமதிப்பிற்கு உட்படுத்துவதற்கும், உலகெங்கிலும் அதன் மேலாதிக்கத்தைப் பாதுகாப்பதற்கும், அதன் பெரிய பொருளாதார மற்றும் இராணுவ வலிமையின் ஆதரவோடு, ‘சிவில் சமூக அமைப்புகள்’ மற்றும் ‘மனித உரிமை தன்னார்வ தொண்டு நிறுவனங்கள்’ ஆகியவற்றின் விரிவான வலையமைப்பைப் பயன்படுத்தி அதே நோக்கங்களை அடைய முயல்கிறது

சீனா. உலகம் இந்த கம்யூனிச ஆட்சியின் கீழ் தங்களைப் பாதுகாத்துக் கொள்ள ஒரே வழி, உலக விநியோக சங்கிலியில் (Global Supply Chain )ல் சீனாவின் ஆதிக்கத்தைக் குறைப்பது தான். அதை அடைய பெரும் பிரச்சனைகளையும், போராட்டங்களையும் உலகம் சந்திக்க வேண்டியிருக்கும். சபீபத்தில் நடப்பதை வைத்துப் பார்த்தால்,மற்ற எல்லா நாடுகளையும் விட கொராணாவிற்கு பிறகு வலிமையான நாடாக சீனாவே உருவாகலாம். கொரானாவிற்குப் பிந்தைய உலகம் அமரிக்க மேலாதிக்கத்தை அடிப்டையாகக் கொண்டதாக இருக்காது என்பது தெளிவு.