அதுமாத்திரமின்றி போர்நிறுத்த உடன்படிக்கையின் ஊடாக மன்னிக்க முடியாத செயலை ரணில் விக்கிரமசிங்கவின் தலைமையிலான ஐக்கிய தேசிய கட்சி அரசாங்கம் மேற்கொண்டிருந்ததாகவும் எல்லாவல மேதானந்த தேரர் குற்றம் சுமத்தினார். இதேவேளை கடந்த 2008 தொடக்கும் 2010 வரை ஐக்கிய நாடுகளின் அமர்வுக்கு சென்றிருந்த ஜனாதிபதி மஹிந்த ராஜபக்ச, எரிக் சொல்ஹெய்ம்மை சந்தித்தமையும் அவரை இலங்கை வருமாறு அழைத்தமை தொடர்பிலும் எல்லாவெல மேதானநந்த தேரர் எந்த கருத்தையும் வெளியிடவில்லை என்பது குறிப்பிடத்தக்கது

இந்த நிலையில் தான் இன்று இலங்கையின் போர்க்குற்றங்கள் தொடர்பில் சாட்சிய மளிக்கவுள்ள தாக நோர்வேயின் முன்னாள் சிறப்பு தூதுவர் எரிக் சொல்ஹெய்ம் கூறிய கருத்து நகைப்பிற்குரியது என சிறிலங்கா அரசாங்கம் தெரிவித்துள்ளது. சொல்ஹெய்ம் போர்க் குற்றம் தொடர்பில் எந்தவொரு சர்வதேச நீதிமன்றிலோ அனைத்துலக தீர்ப்பாயத்திலோ சாட்சியமளிக்கத் தயார் என அண்மையில் ஆங்கில வார இதழுக்கு அளித்த செவ்வியில் தெரிவித்திருந்தார்.

போர்க் குற்றச் செயல்கள் தொடர்பில் சாட்சியமளிக்கும் தகுதி கிடையாது எரிக் சொல் ஹெய்மிற்கு இல்லையெனவும் அவரது கருத்து நகைப்பிற்குரியது எனவும் அரசாங்கத்தின் மூத்த அமைச்சர் ஒருவர் தெரிவித்துள்ளார். இதேவேளை 2009ம் ஆண்டு இடம்பெற்ற இறுதிக்கட்ட போரின் போது சொல்ஹெய்ம் இலங்கை விவகாரங்களில் எந்த வகையிலும் பங்கேற்கவில்லை. அதுமட்டுமின்றி இறுதிக்கட்ட போரின் போது இடம்பெற்ற சம்பவங்கள் பற்றி சொல்ஹெய்மிற்கு எதுவும் தெரியாது என அவர் சுட்டிக்காட்டியுள்ளார்.

இலங்கையில் ஐக்கிய தேசியக் கட்சி ஆட்சிக் காலத்தில் முன்னெடுக்கப்பட்ட சமாதான முனைப்புக்கள் எவ்வாறு தோல்வியடைந்தது என்பது பற்றி மட்டுமே சொல்ஹெய்ம் விபரிக்க முடியும் என அவர் குறிப்பிட்டுள்ளார். மேலும் எரிக் சொல்ஹெய்மின் சாட்சியத்தை சர்வதேச நிறுவனம் ஏற்றுக் கொண்டால் அதன் மூலமே சர்வதேச விசாரணைகள் தவறானது என்பது புலனாகும் என்றும் கடும் விசனம் எழுந்துள்ளது.

TPN NEWS