பாகிஸ்தானில் வன்முறைத் தாக்குதல்களால் அமைதியிழந்து காணப்படும் வடக்கு வசிரிஸ்தான் பகுதியில் பாகிஸ்தான் ராணுவம், தீவிரவாதிகளை வேட்டையாடி வருகிறது. அதேசமயம் அமெரிக்காவும் ஆளில்லா விமானம் மூலம் தாக்குதலை தீவிரப்படுத்தி உள்ளது.அந்த வகையில், அமெரிக்கா இன்று நடத்திய ஆளில்லா விமான தாக்குதலில் 6 தீவிரவாதிகள் கொல்லப்பட்டனர். தட்டாகெல் பகுதியில் ஆளில்லா விமானம் இரண்டு ஏவுகணையை ஒரு வீட்டின் மீது வீசியது. இதில் 6 தீவிரவாதிகள் சம்பவ இடத்திலேயே உயிரிழந்தனர். இரண்டு பேர் காயம் அடைந்துள்ளனர். காயம் அடைந்த தீவிரவாதிகள் அடையாளம் காணப்படவில்லை.
ஆனால், அவர்கள் ஆப்கானிஸ்தான், உஸ்பெகிஸ்தான் தீவிரவாதிகளாக இருக்கலாம் என தகவல்கள் தெரிவிக்கின்றன. ஜூன் 15-ம்திகதி பாகிஸ்தான் ராணுவம், தீவிரவாதிகளுக்கு எதிரான நடவடிக்கையை ஆரம்பித்த பிறகு அமெரிக்கா 4-வது முறையாக ஆளில்லா விமானம் மூலம் தாக்குதல் நடத்தியுள்ளது குறிப்பிடத்தக்கது.