அமெரிக்க பல்கலைக்கழகத்தில் இந்தியப் பெண்ணுக்கு உயர் பதவி

266
அமெரிக்காவில் வசிப்பவர், இந்திய வம்சாவளிப்பெண் விஜி முரளி. இவர் அமெரிக்காவில் உள்ள பிரசித்தி பெற்ற கலிபோர்னியா டேவிஸ் பல்கலைக்கழகத்தின் தலைமை தகவல் அலுவலர் மற்றும் தகவல், கல்வி தொழில்நுட்ப துணைத்தலைவராக நியமிக்கப்பட்டுள்ளார்.

இவர் கடந்த 2007-ம் ஆண்டு முதல் இந்த பல்கலைக்கழகத்தில் பணியாற்றி வருகிறார். அடுத்த மாதம் (ஆகஸ்டு) 18-ந்தேதி புதிய பொறுப்பை ஏற்க உள்ள விஜி முரளி, ஐதராபாத்தில் உள்ள உஸ்மானியா பல்கலைக்கழகத்தில் படித்து, 1975-ம் ஆண்டு உயிரியல் மற்றும் வேதியியல் பாடத்தில் இளங்கலை பட்டமும், பின்னர் 1977-ம் ஆண்டு முதுநிலை பட்டமும் பெற்றார்.

அதே பல்கலைக்கழகத்தில் உள்ள மண்டல ஆராய்ச்சி கூடத்தில் சேர்ந்த விஜிமுரளி, கடந்த 1981-ம் ஆண்டு கரிம வேதியியலில் டாக்டர் பட்டம் பெற்றது குறிப்பிடத்தக்கது.

SHARE