U19 உலகக்கோப்பை அரையிறுதியில் அவுஸ்திரேலிய அணி ஒரு விக்கெட் வித்தியாசத்தில் பாகிஸ்தான் அணியை வீழ்த்தியது.
இரண்டாவது அரையிறுதி
Willowmoore Park மைதானத்தில் நடந்த U19 உலகக்கோப்பையின் இரண்டாவது அரையிறுதியில் அவுஸ்திரேலியா மற்றும் பாகிஸ்தான் அணிகள் மோதின.
முதலில் ஆடிய பாகிஸ்தான் அணி 48.5 ஓவரில் 179 ஓட்டங்களுக்கு ஆல்அவுட் ஆனது.
அதிகபட்சமாக அராபத் மின்ஹாஸ் 52 (61) ஓட்டங்களும், அஸன் அவைய்ஸ் 52 (91) ஓட்டங்களும் எடுத்தனர். அவுஸ்திரேலியாவின் டாம் ஸ்ட்ராக்கர் 6 விக்கெட்டுகள் வீழ்த்தினார்.
அவுஸ்திரேலிய அணி வெற்றி
பின்னர் ஆடிய அவுஸ்திரேலிய அணி 49.1 ஓவரில் 9 விக்கெட்டுகளை இழந்து 181 ஓட்டங்கள் எடுத்து வெற்றி பெற்றது.
ஹாரி டிக்ஷன் 50 (75) ஓட்டங்களும், ஒலிவர் பேக்கே 49 (75) ஓட்டங்களும் எடுத்தனர். இதே மைதானத்தில் வரும் 11ஆம் திகதி நடைபெற உள்ள இறுதிப் போட்டியில் அவுஸ்திரேலிய அணி இந்தியாவுடன் மோத உள்ளது.