மைசூர்: ரஞ்சி சாம்பியன் கர்நாடகா – வங்கதேசம் ஏ அணிகள் மோதும் 3 நாள் பயிற்சி ஆட்டம், மைசூரில் இன்று தொடங்குகிறது. இந்தியா வந்துள்ள வங்கதேசம் ஏ அணி, முதலில் 3 போட்டிகள் கொண்ட ஒருநாள் போட்டித் தொடரில் விளையாடியது. இதில் உன்முக்த் சந்த் தலைமையிலான இந்தியா ஏ அணி 2-1 என்ற கணக்கில் வென்று கோப்பையை கைப்பற்றியது. அடுத்து இந்தியா ஏ – வங்கதேசம் ஏ மோதும் டெஸ்ட் போட்டி (3 நாள்), பெங்களூர் எம்.சின்னசாமி ஸ்டேடியத்தில் வரும் 27-29 தேதிகளில் நடைபெற உள்ளது.
இந்த போட்டிக்கு பயிற்சி பெறும் வகையில், வங்கதேசம் ஏ அணி ரஞ்சி சாம்பியன் கர்நாடகா அணியுடன் 3 நாள் ஆட்டத்தில் மோதுகிறது. மைசூரில் நடைபெறும் இந்த போட்டி காலை 10.00 மணிக்கு தொடங்குகிறது. வினய் குமார் தலைமையிலான கர்நாடகா அணியில் லோகேஷ் ராகுல், ராபின் உத்தப்பா, மணிஷ் பாண்டே, கருண் நாயர், அபிமன்யு மிதுன், ஷ்ரேயாஸ் கோபால், நாத் அரவிந்த் போன்ற திறமையான வீரர்கள் இடம் பெற்றுள்ளதால், வங்கதேசம் ஏ அணிக்கு கடும் சவால் காத்திருக்கிறது. தென் ஆப்ரிக்காவுடன் டி20 தொடரில் மோதவுள்ள இந்திய அணியில் நாத் அரவிந்த் தேர்வு செய்யப்பட்டுள்ளது