பிரீமியர் லீக் தொடரில் லிவர்பூல் அணி 4-0 என்ற கோல் கணக்கில் போர்னேமௌத் அணியை வீழ்த்தியது.
முதல் பாதி
புள்ளிப்பட்டியில் 12வது இடத்தில் உள்ள போர்னேமௌத் (Bournemouth) அணி, முதலிடத்தில் உள்ள லிவர்பூல் (Liverpool) அணியை எதிர்கொண்டது.
Vitality மைதானத்தில் நடந்த இந்தப் போட்டியின் முதல் பாதி கோல்கள் இன்றி 0-0 என முடிந்தது. ஆனால், இரண்டாம் பாதியில் லிவர்பூல் அணியின் வீரர்கள் மிரட்டினர்.
கோல்கள்
49வது நிமிடத்தில் அந்த அணியின் Darwin Nunez விரைவாக செயல்பட்டு கோல் அடித்தார். அதனைத் தொடர்ந்து, Diogo Jota 70வது நிமிடத்தில் அபார கோல் அடித்தார்.
பின்னர் அவரே 79வது நிமிடத்தில் தனது இரண்டாவது கோலை வலைக்குள் தள்ளினார். ஆட்டத்தின் இறுதி நிமிடங்களில் (90+3) Darwin மீண்டும் ஒரு கோல் அடிக்க, லிவர்பூல் 4-0 என்ற கோல் கணக்கில் மிரட்டலான வெற்றி பெற்றது.