இந்தியாவை முந்திய இலங்கை அணி!

டெஸ்ட் கிரிக்கெட் வரலாற்றில் வெற்றி சதவீதத்தை அதிகம் கொண்டுள்ள அணிகளின் பட்டியல் வெளியாகியுள்ளது.

இப்பட்டியலில் அவுஸ்திரேலிய அணி முதலிடத்தில் உள்ளது. இதுவரை மொத்தம் 814 டெஸ்ட் போட்டிகளில் பங்கேற்றுள்ள அந்த அணியின் வெற்றி சதவீதம் 47.05 ஆகும்.

இந்த பட்டியலில் தென் ஆப்பிரிக்க அணி 37.70 சதவீததுடன் இரண்டாவது இடத்தில் உள்ளது.

அந்த அணி இதுவரை மொத்தம் 427 டெஸ்ட் போட்டிகளில் பங்கேற்றுள்ளது.

மூன்றாவது இடத்தில் உள்ள இங்கிலாந்து அணி மொத்தம் 1007 டெஸ்ட் போட்டிகளில் விளையாடி 36.14 சதவீத வெற்றியை பெற்றுள்ளது.

நான்காவது இடத்தில் பாகிஸ்தான் அணி உள்ளது. அந்த அணி 419 போட்டிகளில் விளையாடியுள்ள நிலையில் அந்த அணியின் வெற்றி சதவீதம் 32.45 ஆகும்.

ஐந்தாவது இடத்தில் இலங்கை அணி உள்ளது. அந்த அணி இதுவரை 277 டெஸ்ட் போட்டிகளில் விளையாடியுள்ளது. இதன் வெற்றி சதவீதம் 31.76 ஆகும்.

ஆறாவது இடத்தில் வெஸ்ட் இண்டீஸ் அணி உள்ளது. மொத்தம் 539 டெஸ்ட் போட்டிகளில் பங்கேற்றுள்ள அந்த அணியின் வெற்றி சதவீதம் 31.72 ஆகும்.

ஏழாவது இடத்தில் இந்திய அணி உள்ள நிலையில் மொத்தம் 529 டெஸ்ட் போட்டிகளில் விளையாடியுள்ளது. இதன் வெற்றி சதவீதம் 27.97 ஆகும்.