இலங்கை அரசியலில் இன்றும் அடுத்ததும் என்ன நடக்கும்

நாடாளுமன்றம் கலைக்கப்பட்டதாக கடந்த வெள்ளிக்கிழமை ஜனாதிபதி மைத்திரிபால சிறிசேன அறிவித்ததையடுத்து உயர் நீதிமன்றில் பலதரப்பினராலும் அதற்கு எதிரான மனு தாக்கல் செய்யப்பட்டது.

இந்த நிலையில் நேற்றும் நேற்று முந்தினமும் வழக்குகளை விசாரித்த மூன்று நீதியரசர்கள் அடங்கிய ஆயம் ஜனாதிபதியின் தீர்மானத்துக்கு இடைக்காலத் தடை விதித்து தீர்ப்பளித்தது.

இதேவேளை நாடாளுமன்றம் இன்றைய தினம் கூட்டபடும் என ஏற்கனவே வெளியிட்ட வர்த்தமானி அறிவித்தலை ஜனாதிபதி ரத்துச் செய்யாததால் இன்றைய தினம் நாடாளுமன்றம் கூடும் என சபாநாயகர் நேற்று அறிவித்தார்.

இதன்படி இன்றைய தினம் கட்சித் தலைவர்களை அவசரமாக அழைத்த சபா நாயகர் மேற்கொள்ளப்படும் தீர்மானங்கள் தொடர்பில் கலந்துரையாடியுள்ளார். இந்த நிலையிலேயே ஜே.வி.பி மேற்படி நடவடிக்கை மேற்கொள்ளவுள்ளதாக அறிவித்துள்ளது.