நாம் அன்றாடம் உண்ணும் உணவுகளில் உப்பு முக்கியப்பொருளாகும்.
பாஸ்ட் புட் உணவுகள், டப்பாக்களில் அடைக்கப்பட்ட உணவுகள் இவற்றில் எல்லாம் உப்பின் அளவு அதிகமாகவே இருக்கிறது.
இருப்பினும் இது உயிருக்கே உழை வைத்து விடுகின்றது என்று தான் சொல்லமுடியும்.
அதிகப்படியான உப்பு உடம்பில் சேர்வதால் சிறுநீரக கோளாறு, இரத்த அழுத்தம், இதய நோய்கள் போன்ற நோய்களை எளிதில் உண்டாக்கி விடுகின்றது.
எனவே நம் உடம்பில் உள்ள அதிகப்படியான உப்பை வெளியேற்ற கீழ்க்கண்ட உணவுகளை எடுத்துக் கொண்டாலே போதும். எவ்வித நோயின்றி ஆரோக்கியமாக வாழ முடியும்.
- பீன்ஸ் பொட்டாசியம் நிறைந்த காயாகும். எனவே இதை சாப்பிடும் போது உடலுக்கு தேவையான பொட்டாசியம் கிடைத்து சோடியம் பொட்டாசியம் சமநிலை அடைகிறது.
- ஒரு கிளாஸ் ஆரஞ்சு ஜூஸ் குடித்தாலே போதும் உடம்பில் தங்கியுள்ள உப்பை அலசி வெளியேற்றி விடும்.
- தினமும் இரவு இரண்டு வாழைப்பழம் சாப்பிட்டால் இதுவும் சோடியம் பொட்டாசியம் அளவை சமநிலையில் வைக்க உதவுகிறது. இதனால் உடம்பில் உப்பின் அளவு குறைக்கப்படுகிறது.
- காய்கறிகளிலயே தலைசிறந்த ஒன்று என்றால் அது கீரைகள் தான். இதில் ஏராளமான சத்துக்கள், பொட்டாசியம் சத்துக்கள் அடங்கியுள்ளன. இதுவும் உடம்பில் உள்ள உப்பின் அளவை குறைக்கிறது.
- உலர்ந்த திராட்சை பழங்கள், ஆப்ரிகாட், கொடி முந்திரி போன்றவற்றில் பொட்டாசியம் அதிகம் உள்ளது. ஒரு கைப்பிடியளவு சாப்பிட்டு வாருங்கள் உடம்பில் உள்ள உப்புச் சத்து குறைந்து விடும்.