சாம்பியன் பட்டம் வென்றது பிரிஸ்பேன் ஹீட்

பிக்பாஷ் லீக் தொடரின் 13 ஆவது சீசன் அவுஸ்திரேலியாவில் நடைபெற்றது. இந்த தொடர் டிசம்பர் 7 ஆம் திகதி தொடங்கியது.

இந்தத் தொடரின் இறுதிப்போட்டி நேற்று (24) சிட்னியில் நடைபெற்றது. இதில் சிட்னி சிக்சர்ஸ் அணியும், பிரிஸ்பேன் ஹீட் அணியும் மோதின.

அதன்படி, முதலில் துடுப்பெடுத்தாடிய பிரிஸ்பேன் ஹீட் அணி 20 ஓவர் முடிவில் 8 விக்கெட்டுக்கு 166 ஓட்டங்களை எடுத்தது. ஜோஷ் பிரவுன் 53 ஓட்டங்களையும், ரென்ஷா 40 ஓட்டங்களையும் பெற்றனர்.

சிட்னி அணி சார்பில் சீன் அபாட் 4 விக்கெட்டுகள் வீழ்த்தினார்.

இதையடுத்து, 167 ஓட்டங்கள் எடுத்தால் சாம்பியன் பட்டம் வெல்லலாம் என்ற இலக்குடன் சிட்னி அணி களமிறங்கியது.

பரபரப்பாக நடைபெற்ற ஆட்டததில் சிட்னி அணி 17.3 ஓவரில் 112 ஓட்டங்களுக்கு ஆல் அவுட்டானது. இதையடுத்து, பிரிஸ்பேன் ஹீட் அணி 54 ஓட்டங்கள் வித்தியாசத்தில் வென்று சாம்பியன் பட்டம் பெற்றது.

பிரிஸ்பேன் அணியின் ஸ்பென்சர் ஜான்சன் 4 விக்கெட்டும், பார்ட்லெட், ஸ்வெப்சன் தலா 2 விக்கெட்டும் வீழ்த்தினர். ஆட்ட நாயகன் விருது ஸ்பென்சர் ஜான்சனுக்கு அளிக்கப்பட்டது.