அமெரிக்காவின் பிரபல நடிகரும் தயாரிப்பாளருமான டாம் குரூஸ், தற்போது மேனா என்ற திரைப்படத்தில் நடித்து வருகிறார். கொலம்பியாவின் மெடலின் பகுதியில் போதை மருந்து கடத்தல் மன்னன் பாப்லோ எஸ்கோபரை அழிக்கும் வேட்டையில் ஈடுபட்ட பேரி சீல் என்ற அமெரிக்க பைலட்டின் வாழ்க்கையை மையமாக வைத்து திரில்லர் படமாக இந்த படம் தயாராகி வருகிறது.
இப்படத்தின் தயாரிப்பு பணிகளில் ஈடுபட்டு வரும் ஒரு குழுவினர், நேற்று என்ரிக் ஓலாயா ஹெரிரா விமான நிலையத்திற்கு சிறுரக விமானத்தில் புறப்பட்டனர். சான் பெட்ரோ நகரின் மலைப்பகுதியில் சென்றபோது மோசமான வானிலை காரணமாக விமானம் கட்டுப்பாட்டை இழந்து விழுந்து நொறுங்கியது.
இதில் பைலட் ஆலன் பர்வின், கொலம்பியாவின் கார்லஸ் பெர்ல் ஆகியோர் பலியாகினர். மற்றொரு பைலட்டான ஜிம்மி லி காரிண்ட் படுகாயமடைந்து மருத்துவமனையில் சேர்க்கப்பட்டுள்ளார்.
இப்படத்தின் நாயகனான டாம் குரூஸ் கடந்த மாதம் 20-ம் தேதி கொலம்பியாவிற்கு வந்து தனது காட்சிகளை பதிவு செய்தது குறிப்பிடத்தக்கது. இப்படத்தை 2017ம் ஆண்டு ஜனவரி மாதம் வெளியிட திட்டமிட்டுள்ளனர்.