தமிழகத்தில் ஏற்பட்டுள்ள வெள்ளத்தினால் பாதிக்கப்பட்ட மக்களுக்கு ஆசி வேண்டி விசேட பூஜை வழிபாடுகள் கொழும்பில் இன்று நடைபெற்றன.
மீள்குடியேற்றம், புனர்வாழ்வு, சிறைச்சாலைகள் மற்றும் இந்துமத விவகார அமைச்சர் டி.எம்.சுவாமிநாதன் தலைமையில் இந்த பூஜை வழிபாடுகள் இடம்பெற்றுள்ளன.
கொழும்பு – கொம்பனிவீதியிலுள்ள ஸ்ரீசிவசுப்ரமணியம் ஆலயத்தில் இன்று காலை இடம்பெற்ற இந்த விசேட பூஜை வழிபாடுகள், இலங்கை – இந்திய மீனவ நலன்துறை அமைப்பின் ஆலோசகர் எஸ்.பீ.ஆந்தோனிமுத்துவினால் ஏற்பாடு செய்யப்பட்டிருந்தது.
வெள்ளத்தினால் பாதிக்கப்பட்ட மக்கள் விரைவில் மீண்டும் வழமை நிலைக்கு திரும்ப வேண்டியும், வெள்ளத்தினால் உயிர்நீத்தவர்களின் ஆத்மா சாந்தி வேண்டியுமே இந்த விசேட பூஜை வழிபாடுகள் இடம்பெற்றது.
