தமிழ்த் தேசிய மக்கள் முன்னணியின் “அறிவொளி கல்வி நிலைய” மாணவர்களுக்கு கற்றல் உதவிகள்

குறித்த கல்வி நிலையம்  இன்று 9 இடங்களில் தனது இலவச கல்வியை புலம்பெயர் தமிழ் மக்களின் நிதி உதவியில் வழங்கி வருகின்றது. அந்த வகையில் இந்த நிலையத்தில் கல்வி கற்கும் 276 மாணவர்களுக்கும் இலவச கற்றல் உபகரணங்கள் வழங்கி வைத்ததுடன், சிறுவர்களின் ஆக்கங்களைத் தாங்கிய “அறிவொளி” என்ற நூல் வெளியீடும் இடம் பெற்றது. அறிவொளி கல்வி நிலைய இயக்குனர் எஸ்.தவபாலன் அவர்களின் ஒழுங்கமைப்பில் நடைபெற்ற இந்த நிகழ்வில் தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலம், முன்னாள் பாராளுமன்ற உறுப்பினர்களான செல்வராஜா கஜேந்திரன், பத்மினி சிதம்பரநாதன், சட்டத்தரணி விஸ்வலிங்கம் மணிவண்ணன், சர்வதேச இந்து இளைஞர் பேரவையின் தலைவர் சிவபாதம் கஜேந்திரகுமார், வவுனியா தமிழ் சங்கத் தலைவர் எஸ்.என்.ஜி.நாதன், மனித உரிமைச் செயற்பாட்டாளர் அருட்தந்தை சக்திவேல், முன்னாள் கோட்டக்கல்வி அதிகாரி விநாயகமூர்த்தி மற்றும் பெற்றோர் எனப் பலரும் கலந்து கொண்டனர்.