நெற்செய்கைக்கான உரமானியம் பெறமுடியாமல் தவிக்கும் மாந்தை கிழக்கு பிரதேச விவசாயிகள்

பசளை விநியோகத்திற்காக குறிக்கப்பட்ட காலப்பகுதியில் கமநலசேவை நிலையத்தில் விநியோகத்திற்கான பசளைகள் இல்லாத நிலையில் பல விவசாயிகள் பலதடவைகள் திருப்பிஅனுப்பப்பட்டிருந்ததாகவும் அறியமுடிகிறது.

பல விவசாயிகள் பகுதிபகுதியாக பசளைகளை பெற்றிருந்தாலும் முழுமையாக பெறவில்லை எனவும் தெரிவிக்கின்றார்கள்.

கடந்த ஆண்டு பெய்த கனமழை காரணமாக அழிவடைந்த வயல்களில் மீளவும் பயிற்செய்கை செய்துள்ள விவசாயிகள் பாரிய இடைஞ்சல்களை எதிர்நோக்குகின்றனர்.

எனவே, காலபோக பயிற்செய்கைக்காக வழங்குவதற்காக களஞ்சியப்படுத்தப்பட்டிருக்கின்ற பசளைகளை காலதாமதமில்லாமல் விவசாயிகளுக்கு வழங்குவதற்கு ஏற்ற நடவடிக்கையினை மேற்கொள்ளவேண்டுமென கமநலசேவை திணைக்கள ஆணையாளரினையும் மாவட்ட அரசாங்க அதிபரையும் மக்களுடைய பிரதிநிதிகளையும் வினையமாக விவசாயிகள் வேண்டுகின்றனர்.