நெல்லிக்காய் தொக்கு செய்வது எப்படி

நெல்லிக்காய் – 20
எண்ணெய் – 4 டீஸ்பூன்
கடுகு – 1 டீஸ்பூன்
வெந்தையம் – 1/4 டீஸ்பூன்
பெருங்காயத் தூள்- 1/2 டீஸ்பூன்
மிளகாய்த் தூள் – 5 டீஸ்பூன்
உப்பு – 3 டீஸ்பூன்

செய்முறை :

நெல்லிக்காய்களை ஒரு பாத்திரத்தில் போட்டு தண்ணீர் ஊற்றி 20 நிமிடங்கள் வேக வைத்து வெந்ததும் நீரை வடிகட்டி விட்டு சூடு ஆறியதும் கொட்டைகளை நீக்கி சதைப் பகுதியை மட்டும் தனியாக எடுத்துக்கொள்ளவும்.

வேக வைத்த நெல்லிக்காய்களை மிக்சியில் போட்டு மைய அரைத்து தனியாக எடுத்துக்கொள்ளவும்.

அடுப்பில் கடாயை வைத்து எண்ணெய் ஊற்றி, சூடானதும் கடுகு போட்டு தாளித்த பின்னர் வெந்தையம் சேர்க்கவும்.

அடுத்து அதில் மிளகாய்த் தூள் சேர்த்துக் கிளறவும்.

பின் அரைத்து வைத்துள்ள நெல்லிக்காய் பேஸ்டை கொட்டி நன்கு கிளறவும்.

இப்போது உப்பு, வெல்லம் சேர்த்து தொக்கு நன்கு கருஞ்சிவப்பு நிறத்தில் எண்ணெய் பிரிந்து வரும் வரை கிளறிக்கொண்டே இருக்கவும்.

சூப்பரான நெல்லிக்காய் தொக்கு ரெடி.