போதை ஒழிப்பு தினத்தை முன்னிட்டு போதையற்ற சமூகத்தை கட்டியெழுப்புவோம் எனும் தொனிப்பொருளில் வவுனியாவில் விழிப்புணர்வு ஆர்ப்பாட்டமொன்று முன்னெடுக்கப்பட்டுள்ளது.
ஆர்ப்பாட்டத்தை வவுனியா – நொச்சிமோட்டை கனிஸ்ட உயர்தர வித்தியாலய மாணவர்கள் மற்றும் ஆசிரியர்கள் இணைந்து இன்று காலை மேற்கொண்டுள்ளனர்.
இதன்போது ஆர்ப்பாட்டத்தில் ஈடுபட்ட மாணவர்கள் ‘புகைத்தலை ஒழித்து புதுயுகம் படைப்போம், போதை அது சாவின் பாதை, மேதையை அழிக்கும் போதை, போதையை தொடராது சாதனை படைப்போம்’ போன்ற வாசகங்கள் எழுதப்பட்ட பதாதைகளை ஏந்தியிருந்தனர்.