தற்போது இருக்கும் உலகில் பெரும்பாலான மக்கள் சந்திக்கும் முக்கிய பிரச்சனைகளில் ஒன்று தான் முடி கொட்டும் பிரச்சனை, இதனால் இந்த பிரச்சனையை தடுக்க சில இயற்கை வழி ஆலோசனைகளை இங்கே காணலாம்.
- கொஞ்சம் சூடான எண்ணெய்யை எடுத்து, அதனை தலையில் தேய்த்து, விரல் நுனியில் மசாஜ் செய்யவும். இது முடிகளின் வேர்களுக்கு ரத்த ஓட்டத்தை அதிகரிக்கச் செய்கிறது. மேலும் முடி வேர்களுக்கு வலுவூட்டுகிறது.
- முடி கொட்டுதலைத் தடுக்க வெங்காயச் சாறு மிகவும் உகந்தது. முடிகளின் வேர்களுக்கு ரத்த ஓட்டத்தை அதிகரிக்கச் செய்து, புத்துணர்ச்சி அளித்து வீக்கத்தைக் குறைக்கிறது. வெங்காயச் சாற்றில் இருக்கும் ஆண்டி பாக்டீரியாக்கள் தலையில் இருக்கும் கிருமிகளை அழிக்கிறது.
- நமது உடலில் ஏற்படும் எல்லாப் பிரச்சனைகளுக்கும் தீர்வு, நம்முடைய சமையலறையில் இருக்கிறது. அந்த வகையில் உடலின் ஊட்டச்சத்து குறைபாட்டைப் போக்க பீட்ரூட் மிகவும் உதவுகிறது. இதன்மூலம் முடி கொட்டுதல் தவிர்க்கப்படுகிறது. எனவே உங்கள் உணவில் பீட்ரூட்டைச் சேர்த்துக் கொண்டு, முடி கொட்டும் பிரச்சனைக்கு தீர்வு காணலாம்.
- முடி கொட்டுதலுக்கு காரணமான குறைபாடுகளில் ஒன்று விட்டமின் சி. ஆம்லா எனப்படும் நெல்லிக்காயில் ஏராளமான விட்டமின் சி இருக்கிறது. மேலும் ஆண்டி ஆக்ஸிடண்ட்கள், ஆண்டி பாக்டீரியாக்கள் உள்ளன. எனவே பொடுகுத் தொல்லை, வழுக்கத் தலையின் தொற்று பாதிப்பை தடுக்கிறது. முடிகளின் வேர்களுக்கு தேவையான ஊட்டச்சத்து அளித்து, வலிமையாகவும், பொலிவாகவும் முடியை அளிக்கிறது.
- வேப்பிலையை நன்கு அரைத்து, கொதிக்க வைத்து பேஸ்ட் போல ஆக்கி, தலையில் தடவிக் கொள்ளலாம். 30 நிமிடங்களுக்கு பின், தலைக்கு குளித்தால் நல்ல பலன் தரும். இதனை வாரம் இருமுறை செய்ய வேண்டும்.