ரஷ்யா ஓய்வூதிய வயது உயர்த்தப்பட்டதைக் கண்டித்து ஆர்ப்பாட்டம்

ரஷ்யாவில் ஓய்வூதியம் பெறுவதற்கான வயதை உயர்த்தும் முடிவை எதிர்த்து 30 நகரங்களில் கண்டன ஆர்ப்பாட்டங்கள் நடைபெற்று வருகின்றன.

ரஷ்யாவின் மாஸ்கோ நகரில் உலகக்கோப்பை கால்பந்து தொடங்கிய நாளன்று வந்த இது குறித்த அறிவிப்பின்படி, ஆண்களுக்கான ஓய்வூதிய வயது 60லிருந்து 65 ஆகவும், பெண்களுக்கு 55லிருந்து 63 ஆகவும் உயர்த்தப்பட்டுள்ளது.

அதிக அளவு மக்கள் பணி ஓய்வு பெறும் சூழ்நிலையையையும், தொழிலாளர் எண்ணிக்கை குறைந்து வரும் நிலையையும் சமாளிப்பதற்கு இந்த மாற்றம் அவசியமானது என்று ரஷ்ய அரசு கூறியுள்ளது.