கோலிவுட், பாலிவுட் என தொடர்ந்து படங்களில் ஒப்பந்தமாகி வருகிறார் நடிகை எமி ஜாக்ஸன். பிரிட்டன் மாடலாகவும் வலம் வரும் இவர் பல முன்னணி நிறுவனங்களின் விளம்பரங்களில் நடித்து அவர்களின் புதிய வியாபார பொருட்களுக்கு தூதுவராகவும் இருந்து வருகிறார், தங்களுடைய நிறுவனங்களின் விளம்பரங்களில் இவரை நடிக்க முயற்சித்து வருபவர்களுக்கு ஒரு பேரதிர்ச்சியை கொடுத்துள்ளார்.

ஒரு விளம்பரத்திற்கு போட்டோஷூட் எடுக்க ஒரு கோடியாக எமி ஜாக்ஸன் தனது சம்பளத்தை உயர்த்தியதால் அனைத்து விளம்பர நிறுவனங்களும் தற்போது திணறி வருகின்றன. அதுமட்டுமல்லாமல் விளம்பரங்களில் நடிக்க மூன்று கோடி வரை தனது சம்பளத்தை உயர்த்தி உள்ளார் இவர்.

நடிகை எமி ஜாக்ஸன் சமீபத்தில் இயக்குநர் ஷங்கர் இயக்கத்தில் சூப்பர் ஸ்டார் ரஜினி காந்திற்கு ஜோடியாக எந்திரன் 2.0 படத்தில் நடித்து இருக்கிறார். இந்த படம் வெளியான பின் மேலும் தன்னுடைய சம்பளத்தை உயர்த்த திட்டமிட்டுள்ளதாகவும் தகவல்கள் தெரிவிக்கின்றன.