ஒன்ப்ளஸ் நிறுவனம் சமீபத்தில் தனது புதிய பட்ஜெட் ஸ்மார்ட்போனான OnePlus Nord CE 3 Lite 5G ஐ அறிமுகப்படுத்தியுள்ளது.
ரூ.20,000 என்ற விலைப் பிரிவில் போட்டியில் முன்னிலை வகிக்க இந்த போன் எந்த அளவு தகுதி பெற்றிருக்கிறது என்பதை பார்ப்போம்.
வடிவமைப்பு மற்றும் காட்சி (Design And Display)
OnePlus Nord CE 3 Lite 5G ஃபோனின் வடிவமைப்பு பெரிதாக எந்த புதுமையையும் கொண்டிருக்கவில்லை என்றாலும், கிடைக்கக்கூடிய வண்ணங்கள் கவர்ச்சிகரமாக இருக்கின்றன.
6.59 அங்குல IPS LCD திரை கொண்டிருக்கும் இந்த ஃபோன், FHD+ ரெசல்யூஷன் மற்றும் 90Hz ரெஃப்ரெஷ் ரேட் ஆகியவற்றைக் கொண்டுள்ளது.
பற்றரி (Battery)
5000mAh பற்றரி கொண்டிருக்கும் இந்த போன், 67W வேகமான சார்ஜிங் வசதியையும் ஆதரிக்கிறது. இதன் மூலம், சுமார் 30 நிமிடங்களில் 0 முதல் 50% வரை பேட்டரியை சார்ஜ் செய்ய முடியும்.
கேமரா (Camera)
முதன்மை கேமராவாக 108MP சென்சார், அதைத் தொடர்ந்து 2MP மைக்ரோ சென்சார் மற்றும் 2MP டெப்த் சென்சார் என மொத்தம் மூன்று ரியர் கேமராக்களை இந்த ஃபோன் கொண்டுள்ளது.
முன்பக்க செல்ஃபி கேமரா 16MP சென்சார் கொண்டது. பகல் நேர புகைப்படங்கள் நன்றாக இருந்தாலும், இரவு night mode இல் எடுக்கப்படும் புகைப்படங்களின் தரம் சற்று குறைவாக இருக்கிறது.
செயல்பாடு (Performance)
Qualcomm Snapdragon 695 SoC செயலி மற்றும் 8GB RAM கொண்டிருக்கும் இந்த ஃபோன், அன்றாட பயன்பாடுகளுக்கு மிகவும் பொருத்தமானது. ஆனால், கிராபிக்ஸ் திறன் அதிகம் தேவைப்படும் கேம்களை விளையாட இது ஏற்றதல்ல.
மென்பொருள் (Software)
ஆண்ட்ராய்டு 13 இயங்குதளத்தை அடிப்படையாகக் கொண்ட OxygenOS 13.0 மென்பொருளை இந்த ஃபோன் கொண்டுள்ளது. இந்த மென்பொருள் சுத்தமாகவும், எளிதாக பயன்படுத்தக்கூடியதாகவும் இருக்கிறது.
தீர்ப்பு (Verdict)
ரூ.17,999 என்ற விலையில்(Amazan.in), சிறந்த கேமரா அமைப்பு, வேகமான சார்ஜிங் மற்றும் சுத்தமான மென்பொருள் ஆகியவற்றை வழங்கும் OnePlus Nord CE 3 Lite 5G ஒரு நல்ல தேர்வாக இருக்கிறது.
இருப்பினும், இந்த விலைப் பிரிவில் போட்டியாக இருக்கும் மற்ற ஸ்மார்ட்ஃபோன்களுடன் ஒப்பிடும்போது, இதன் தனித்துவமான அம்சங்கள் குறைவாகவே இருக்கின்றன.