உலக அளவில் அதிகம் புலம் பெயர்ந்தவர்கள் இந்தியர்கள் என ஐக்கிய நாடுகளின் சர்வதேச புலம் பெயர்ந்தவர்களுக்கான ஆய்வறிக்கையில் வெளியாகியுள்ளது.

2015 ஆம் ஆண்டு கணக்கின்படி சுமார் 1 கோடியே 60 லட்சம் இந்தியர்கள் வேறொரு நாட்டில் குடியேறியுள்ளனர். இதில் குறிப்பிட்ட மூன்று நாடுகளில் மட்டும் கிட்டத்தட்ட 40% இந்தியர்கள் குடியேறியுள்ளதாக ஆய்வறிக்கையில் வெளியாகியுள்ளது.

ஐக்கிய அரபு நாடுகளில் மட்டும் சுமார் 30 லட்சம் இந்தியர்களும், பாகிஸ்தான் மற்றும் அமெரிக்காவில் தலா 20 லட்சம் புலம் பெயர்ந்த இந்தியர்கள் வசித்து வருகின்றனர்.

ஐக்கிய அமீரக நாடுகளில் பொருளாதார வளர்ச்சியில், புலம்பெயர்ந்த இந்தியர்களின் பங்கு பெருமளவு இருப்பது குறிப்பிடத்தக்கது.

அதேபோல் நடந்து முடிந்த அமெரிக்க ஜனாதிபதி தேர்தலில் ஐந்து இந்தியர்கள் அமெரிக்க காங்கிரஸுக்கு தேர்வாகியுள்ளனர் என்பதும் குறிப்பிடத்தக்கது.

இந்தியாவிலிருந்து பாகிஸ்தானுக்கு புலம்பெயர்ந்தவர்கள் எண்ணிக்கை ஐக்கிய நாடுகள் ஆய்வறிக்கையில் இருந்தாலும் இந்தியாவில் இதற்கான அதிகாரப்பூர்வ புள்ளி விவரங்கள் எதுவும் இல்லை.

மேலும், இத்துடன் 2015ல் இந்தியாவில் இருந்து புலம் பெயர்ந்தவர்கள் இந்தியாவிற்கு அனுப்பிய தொகை ரூ 4 லட்சத்து 76 ஆயிரம் கோடி என்பது கூடுதல் தகவல்.