சிக்கன் மொகலாய்

சிக்கன் : ½ கிலோ
வெங்காயம் : 2
தக்காளி : 2
பச்சை மிளகாய் : 4
தயிர் : ½ கப்
தேங்காய் : ¼ மூடி
பட்டை : 2
லவங்கம் : 2
முந்தரி : 8
கசகசா : 1 டீஸ்பூன்
இஞ்சி-பூண்டு விழுது : 1 டீஸ்பூன்
தனியா தூள் : 2 டீஸ்பூன்
ப்ரெஷ் கிரீம் : 4 டீஸ்பூன்
உப்பு : தேவையான அளவு

செய்முறை
* முதலில் வெங்காயம், தக்காளி, பச்சை மிளகாய் ஆகியவற்றை நறுக்கிக் கொள்ளவும். பின், தேங்காயை துருவிக் கொள்ளவும்
* பின், மிக்ஸியில் துருவிய தேங்காய், கசகசா, முந்திரியை ஒன்றாக போட்டு, நன்கு அரைத்துக் கொள்ளவும்.
* பின், வாணலியில் எண்ணெய் ஊற்றி, காய வைத்து, பட்டை, லவங்கம் போட்டுத் தாளிக்கவும்.
* பின், நறுக்கிய வெங்காயம், தக்காளி சேர்த்து நன்கு வதக்கி, அத்துடன் இஞ்சி-பூண்டு விழுது, நறுக்கிய பச்சை மிளகாய் போட்டு வதக்கவும்.
* நன்கு வதங்கியதும், அதில் தனியாத்தூள், தயிர் மற்றும் உப்பு சேர்த்து வதக்கி, சுத்தமாக கழுவிய சிக்கனைப் போட்டு, தண்ணீர் விட்டு நன்கு வேக வைக்கவும்.
* சிக்கன் நன்கு வெந்தவுடன், அதில் அரைத்த மசாலாவை சேர்த்து, உப்பை சரிபார்த்து, நன்கு கொதிக்க வைக்கவும். பிறகு அதில் ப்ரெஷ் கிரீம் சேர்த்து, கிளறி இறக்கவும்.
* இப்போது சுவையான சிக்கன் மொகலாய் தயார். சாப்பாடு, சப்பாத்தி போன்றவற்றுக்கு இது பொருத்தமான டிஷ் ஆக இருக்கும்.