உலகக்கிண்ண கால்பந்து போட்டியில் லீக் சுற்று ஆட்டங்கள் இன்றோடு முடிவுக்கு வரும் நிலையில் இன்று ஜப்பான்-போலந்து மற்றும் செனகல்-கொலம்பியா ஆகிய அணிகளுக்கிடையிலான போட்டிகள் இடம்பெறவுள்ளன.
உலகக்கிண்ண கால்பந்து போட்டியில் இன்றுடன் லீக் சுற்று முடிவுக்கு வருகிறது. எச் பிரிவில் நடைபெறும் கடைசி லீக் சுற்றில் ஜப்பான்-போலந்து ஆகிய அணிகள் மோதவுள்ளன.
இந்த போட்டி வெற்றி தோல்வி இன்றி முடிந்தாலே ஜப்பான் அடுத்த சுற்றுக்கு முன்னேறி விடும். ஏற்கனவே அடுத்த சுற்று வாய்ப்பை இழந்து விட்ட போலந்து அணி ஜப்பானை வீழ்த்தினால் அது ஆறுதல் வெற்றியாக அமையும்.
இதேபிரிவில் மற்றொரு போட்டியில் செனகல்-கொலம்பியா அணிகள் மோதுகின்றன. இந்த போட்டியில் செனகல் போட்டியை சமநிலையில் முடித்தாலே அடுத்த சுற்றுக்குள் அடியெடுத்து வைத்து விடும் கொலம்பியா அணியை பொறுத்தமட்டில் வெற்றி பெற்றால் மட்டுமே அடுத்த சுற்றுக்குள் நுழைய முடியும்.
மற்றுமொரு சுற்றில் ஜி பிரிவில் இடம்பெற போட்டியில் இங்கிலாந்து-பெல்ஜியம் அணிகள் பலப்பரீட்சை நடத்துகின்றன. இந்த இரு அணிகளும் ஏற்கனவே அடுத்த சுற்றுக்கு தகுதி பெற்றுள்ளமையால் தனது பிரிவில் முதலிடத்தை பிடிப்பது யார்? என்பதற்கே இரு அணிகளும் போட்டியிடும்.
இதே பிரிவில் இடம்பெறவுள்ள மற்றுமொரு போட்டியில் பனாமா-துனிசியா ஆகிய அணிகளுக்கு இடையில் இடம்பெறவுள்ளது.. ஏற்கனவே இரு அணிகளும் அடுத்த சுற்று வாய்ப்பை இழந்துள்ள நிலையில் ஆறுதல் வெற்றியை பெற்றுக்கொள்ளவே இந்த போட்டி உதவும்.