சர்வதேச டி20 போட்டிகளில் விரைவாக 2000 ஓட்டங்களை கடந்த வீரர் என்ற புதிய சாதனையை விராட் கோஹ்லி படைத்துள்ளார்.
இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது.
இதில் நேற்று நடந்த முதல் டி20 போட்டியில் இந்திய அணி 8 விக்கெட் வித்தியாசத்தில் வெற்றி பெற்றது.
இப்போட்டியில் இந்திய அணித் தலைவர் கோஹ்லி 9 ஓட்டங்களை எடுத்தபோது இரண்டாயிரம் ஓட்டங்களை கடந்து சாதனை படைத்தார்.
டி-20 போட்டிகளில் இரண்டாயிரம் ஓட்டங்களை கடந்த நான்காவது வீரர் கோஹ்லி ஆவார். அதே வேளையில், விரைவாக 2000 ஓட்டங்களை எட்டிய வீரர் என்ற பெருமையையும் கோஹ்லி பெற்றுள்ளார்.
அவர் 56 போட்டிகளில் இந்த சாதனையை நிகழ்த்தியுள்ளார்.