போராட்ட வரலாற்றில் பல்வேறு இன்னல்களுக்கு முகம் கொடுத்த தமிழினம் அதன் ஒரு பிரிவாக போராட்டம் ஆரம்பிக்கப்பட்டது. ஆரம்பிக்கப்பட்ட காலகட்டத்திலிருந்து இன்று வரைக்கும் 35 ஆண்டுகள் கடந்து விட்ட நிலையிலும் ஐம்பதாயிரத்திற்கும் மேற்பட்ட போராளிகள் வீரச்சாவைத் தழுவிக்கொண்டனர்.
இந்தப் போராளிகளினுடைய தியாகம் வீண் போகாத வகையில் தமிழ் மக்களாகிய நாம் செயற்படுகின்றோமா? அல்லது தமிழ் அரசியல் தலைமைகள் செயற்படுகின்றனவா? என்ற கேள்வி எழுப்பப்பட்டுள்ள நிலையில் இந்த மாவீர்களுடைய தியாகங்கள் மதிக்கப்படவேண்டியவை. இதனை கொச்சப்படுத்தும் அளவுக்கு யார்? யார்? செயற்படுகின்றார்களோ அவர்கள் துரோகிகளாகவே இனங்காணப்படுவார்கள் .
போராட்ட விழுமியங்களை பாதுகாத்துக் கொள்கின்றோம் என்று கூறிக்கொள்ளும் தமிழ் அரசியல் தலைமைகள் தேர்தல் காலத்தில் தங்களது சுயலாப அரசியலுக்காக தமிழ் விடுதலைப்புலிகளை வைத்து பிரச்சாரத்தில் ஈடுபடுகின்றார்கள். இது உண்மையில் அரோசிக்கத்தக்க விடயமாகும்.
வடகிழக்கில் மாத்திரம் 19 மாவீரர் துயிலுமில்லங்கள் இருக்கின்றது. இந்த மாவீரர் துயிலுமில்லத்தில் அஞ்சலிகளை செய்யமுடியாத ஒரு நிலமை இந் நாட்டில் எழுந்துள்ளது. இன்றும் கூட மாவீரர்களுக்கான நினைவஞ்சலி செலுத்தும் சோடினைகள் போடப்பட்ட இடங்கள் சிங்கள விசமிகளாலும், கடையர்களாலும் அடித்து நொருக்கப்பட்டுள்ளது. இது மரணித்தவர்களை கொச்சப்படுத்துவதாகவே அமையப்பெற்றுள்ளது.
நாட்டில் எழுந்துள்ள அரசியல் நெருக்கடிக்குள் மீண்டும் அரசியல் நெருக்கடிகளை பார்க்கின்ற பொழுது மீண்டும் ஒரு ஆயுதப்போராட்டம் உருவாகிவிடுமோ? என்ற சந்தேகம் உருவாகியுள்ளது.
மாவீர்களுடைய பெற்றோர் அவர்களின் சகோதரர்கள், உறவினர்கள் அஞ்சலி செலுத்துவதற்காக பொதுத் தூபிகள் அமைத்துக் கொடுக்கப்படவேண்டும். தென்னிலங்கையில் மட்டும் அரசியல் குழப்ப சூழ்நிலைகளால் கொலைசெய்யப்பட்டவர்களுக்கு அஞ்சலி செலுத்தப்படமுடியுமானால் 2ம் உலகப்போரில் கொலை செய்யப்பட்ட பிரிட்டிஸ் இராணுவ வீரர்களுக்கு திருகோணமலையில் உள்ள கல்லறையில் அஞ்சலி செலுத்தப்படமுடியுமானால், அடுத்து ஜெவிபி, புளொட், ஈபிஆர்எல்எவ், ரெலோ, ஈபிடிபி மற்றும் யாழ்ப்பாணத்தில் இந்திய இராணுவ வீர்களுடைய நினைவு துபி கட்டப்பட்டு அஞ்சலி செலுத்தமுடியுமாக இருந்தால். இந் நாட்டில் இருதிவரை தமிழ் மக்களுக்காக போராடிய தமிழீழ விடுதலைப்புலிகளுக்கு அஞ்சலி செலுத்த முடியாதா?
ஆகவே போராட்ட வீரர்களின் தியாகங்களை மதிப்பளித்து இனி வரும் காலங்களிலாவது இவர்களுக்கு அஞ்சலி செலுத்தும் ஒழுங்குகளை அரசாங்கம் ஏற்படுத்தி தரவேண்டும். இல்லாவிட்டால் காலத்தின் தேவை இவர்களுக்கு பதில் சொல்ல வேண்டிய தேவை உருவாக்கப்படும். என்பதனையே இந்த மாவீரர்களுடைய அஞ்சலி தினம் பறைசாற்றி நிற்கின்றது.
கிழக்குப் பல்கலைக் கழகம்
கார்த்திகை 27 மாவீரர் தினம் இன்று செவ்வாய்க்கிழமை கிழக்குப் பல்கலைக் கழக வந்தாறுமூலை வளாகத்தில் உணர்வுபூர்வமாக அனுஷ்டிக்கப்பட்டது.
கிழக்குப் பல்கலைக் கழக கலை காலசார பீட மாணவர் ஒன்றியத்தின் ஏற்பாட்டில் நடைபெற்ற மாவீரர் தின நிகழ்வில் அனைத்து பீடங்களையும் சேர்ந்த மாணவர்கள் விரிவுரையாளர்கள் மற்றும் கல்வி சாரா ஊழியர்கள் கலந்து கொண்டனர்.
ஈகைச் சுடர் ஏற்றபட்டு உயிர் நீத்த மாவீர்களுக்கு மௌன அஞ்சலி செலுத்தப்பட்டதுடன் இரத்த தானமும் நடைபெற்றது
கிளிநொச்சி
கிளிநொச்சி கனகபுரம் மாவீரர் துயிலுமில்லத்தில் 2018 மாவீரர் நாள் ஆயிக்கணக்கான பொது மக்கள் ஒன்று கூடி உணர்வெழுச்சியுடன் கண்ணீர் மல்க நடந்து முடிந்த விடுதலைப்போராட்டத்தில் மரணித்த தங்களின் உறவுகளை நினைவு கூர்ந்தனர்.
பிற்பகல் மூன்று மணி முதல் மாவட்டத்தின் பல பாகங்களிலிருந்தும் பொது மக்கள் கனகபுரம் துயிலுமில்லம் நோக்கி வருகைதர தொடங்கினார்கள். ஒவ்வொருவரும் அங்குள்ள மூவாயிரத்திற்கு மேற்பட்ட சுடர்களுக்கு முன்னாள் அமைதியாக நின்றிருக்க மாலை 6.05மணிக்கு மணியோசை எழுப்பட்டு தொடர்ந்து பொதுச் சுடரை லெப் கேணல் கில்மன், பிரிகேடியர் தீபன் ஆகியே மாவீரர்களின் தந்தையான வேலாயுதபிள்ளை ஏற்றி வைக்க தொடர்ந்து ஏனைய சுடர்களும் ஏற்றி வகைப்பட்டது.
அதனை தொடர்ந்து துயிலுமில்ல பாடலும் ஒலிபரப்பட்டது. இதில் கலந்துகொண்ட உறவுகள் கண்ணீர் மலக்க உணர்வெழுச்சியுடன் தங்களின் உறவுகளை நினைவு கூர்ந்தனர்.மிகவும் அமைதியாக எவ்வித நெருக்கடிகளும் இன்றி 2018 மாவீரர் நாள் நிகழ்வுகள் இடம்பெற்று முடிந்து .
வவுணதீவு
கார்த்திகை 27 மாவீரர் தினம் வவுணதீவு, தாண்டியடி துயிலுமில்லம் அருகே உணர்வுபூர்வமாக அனுஷ்டிக்கப்பட்டது.
புனர்வாழ்வளிக்கப்பட்ட தமிழ் விடுதலைப் புலிகள் கட்சி மற்றும் சமூக நல அமைப்புக்களின் ஏற்பாட்டில் நடைபெற்ற மாவீரர் தின நிகழ்வில், மட்டக்களப்பு மாவட்ட தமிழ் தேசிய கூட்டமைப்பின் பாராளுமன்ற உறுப்பினர் ஞானமுத்து சிறிநேசன் மற்றும் மண்முனை மேற்கு பிரதேசசபை தவிசாளர் எஸ்.சண்முகராஜா, பிரதேச சபை உறுப்பினர்கள் உள்ளிட்ட பலர் கலந்து கொண்டனர்.
இதேவேளை இந் நிகழ்வு நடைபெற்ற வேளையில் இராணுவ புலனாய்வாளர்கள், பொலிஸார் உள்ளிட்ட பாதுகாப்பு தரப்பினர் அதிகம் காணப்பட்டனர்.
மன்னார்
மன்னார் மாவட்ட மாவீரர் தின நினைவேந்தல் ஏற்பாட்டுக் குழுவின் ஏற்பாட்டில் மன்னார் ஆட்காட்டி வெளி மாவீர் துயிலும் இல்லத்தில் மாவீரர் தின நினைவேந்தல் நிகழ்வு இடம் பெற்றது.
இதன் போது மாலை 6 மணியளவில் பொதுச் சுடர் ஏற்றப்பட்டது.மூன்று மாவீரர்களின் தந்தையான கந்தையா வைரமுத்து என்பவரால் பொதுச் சுடர் ஏற்றப்பட்டது.
அதனைத் தொடர்ந்து மாவீர்களின் பெற்றோர்கள், உறவினர்கள், முன்னாள் போராளிகள், அரசியல்வாதிகள் , மத தலைவர்கள் ஆகியோர் கலந்து கொண்டு மலர்தூவி, ஈகைச் சுடர் ஏற்றி உணர்வு பூர்வமாக உயிர் நீத்த மாவீரர்களுக்கு அஞ்சலி செலுத்தினர்.
இம்முறை குறித்த மாவீரர் துயிலும் இல்லம் புனரமைக்கப்பட்டு மாவீரர் தின நினைவேந்தல்கள் மிகவும் உணர்வு பூர்வமாக இடம்பெற்றுள்ளமை குறிப்பிடத்தக்கது.
வாகரை
மட்டக்களப்பு வாகரை கண்டலடி மாவீரர் துயிலும் இல்லத்தில் இன்று மாலை மாவீரர்களின் உறவுகளால் மாவீரர்களின் கல்லறையில் உணர்வு பூர்வமாக ஈகை சுடர் ஏற்றி நினைவேந்தல் அனுஸ்டிக்கப்பட்டது.
மட்டக்களப்பு மாவடி
மட்டக்களப்பு மாவடி முன்மாரி மாவீரர் துயிலுமில்லத்தில் உணர்வு பூர்வமாக மாவீரர் நினைவு அனுஷ்டிக்கப்பட்டது இதில் நூற்றுக்கணக்கான மக்கள் கலந்துகொண்டு சுடர் ஏற்றி அனுஷ்டித்தனர்
வவுனியா
வவுனியா மாவட்ட பிரஜைகள் குழுவின் ஒழுங்கமைப்பில் வவுனியா நகரசபை உள்ளக மண்டபத்தில் மாவீரர்களுக்காக பிரத்தியேகமாக அமைக்கப்பட்ட திருக்கோவிலில் மாவீரர் உறுதியுரை கீதம் இசைக்க மாலை 6 மணி 05 நிமிடத்துக்கு மாதிரிக் கல்லறைகளுக்கு முன்பாக பொதுச்சுடர் ஏற்றலுடன் மாவீரர் நாள் நினைவேந்தல் இடம்பெற்றது.
தமது உறவுகளை நினைத்து சுடரேற்றி அஞ்சலி செலுத்தியதுடன் மேலும் அங்கு அனைவரும் தமது உறவுகளை நினைத்து கண்ணீர் சிந்தி கதறி அழுவதையும் காணக்கூடியதாக இருந்ததாக எமது பிராந்திய செய்தியாளர் தெரிவித்தார்.
கிழக்கு பல்கலைக்கழகம், விபுலானந்த அழகிய கற்கை நிறுவகம் கிழக்கு பல்கலைக்கழகம் ஆகிய இடங்களில் மாவீரர் நினைவேந்தல்கள்
