இலங்கையில் கைது செய்யப்பட்டு, பிணையில் விடுதலை செய்யப்பட்ட முருகேசு பகீரதி மீது கொலை முயற்சி தாக்குதல்

பிரான்ஸ் திரும்பும் வழியில் கட்­டு­நா­யக்க விமா­ன­நி­லை­யத்தில் கைது­செய்­யப்­பட்ட முன்னாள் விடு­தலைப் புலி­களின் கடற்­ப­டை பெண் தள­பதி என கூறப்­படும் முரு­கேசு பகீ­ரதி மீது பயங்­க­ர­வாதக் குற்­றச்­சாட்­டுக்­களின் கீழ் சட்ட நட­வ­டிக்கை எடுக்­கப்­படும் என்று பொலிஸ் ஊடகப் பேச்­சாளர் சிரேஷ்ட பொலிஸ் அத்­தி­யட்சர் அஜித் ரோஹண தெரி­வித்தார்.

அவரின் மேற்­பார்வை அல்­லது ஆலோ­ச­னை­களின் கீழ் இங்கு தாக்­கு­தல்கள் நடத்­தப்­பட்­டதா என்று பயங்­க­ர­வாத புல­னாய்வுப் பிரி­வினர் தற்­போது விசா­ரணை செய்­து­வ­ரு­வ­தா­கவும் அவர் குறிப்­பிட்டார்.

41 வய­தான பகீ­ரதி கைது செய்­யப்­படும் போது அவ­ருடன் இருந்த அவ­ரது 8 வயது பிரான்ஸ் குடி­யு­ரிமையைப் பெற்ற மகளும் நீதி­மன்ற அனு­ம­தி­யுடன் 72 மணி நேர தடுப்புக் காவலின் கீழ் உள்ள பகீ­ர­தி­யு­ட­னேயே தங்­கி­யுள்­ள­தா­கவும் இது தொடர்பில் பிரான்ஸ் தூது­வ­ரா­ல­யத்­துக்கு தக­வல்கள் உத்­தி­யோ­க­பூர்­வ­மாக வழங்­கப்­பட்­டுள்­ள­தா­கவும் சிரேஷ்ட பொலிஸ் அத்­தி­யட்சர் அஜித் ரோஹண சுட்­டிக்­காட்­டினார்.

பிரான்­ஸி­லி­ருந்து கடந்த மாதம் இலங்கை வந்­தி­ருந்த பகீ­ர­தியும் அவ­ரது 8 வயது மகளும் கிளி­நொச்­சியில் உள்ள பெற்றோர் மற்றும் சகோ­த­ரர்­க­ளுடன் விடு­மு­றையை கழித்­து­விட்டு திரும்பும் வழி­யி­லேயே கடந்த திங்­கட்­கி­ழமை அதி­காலை 5.40 மணி­ய­ளவில் விமா­ன­நி­லை­யத்தில் கைது செய்­யப்­பட்­டார். டுபாய் ஊடாக பிரான்ஸ் செல்ல முற்­பட்ட போதே அவர் இவ்­வாறு கைது செய்­யப்­பட்­டி­ருந்தார்.

விடு­தலைப் புலிகள் அமைப்பில் மூன்று ஆண்­டுகள் இருந்­துள்ள பகீ­ரதி 2005-ஆம் ஆண்டில் பிரான்ஸ் செல்ல முன்னர் பல்­வேறு தாக்­குதல் நட­வ­டிக்­கை­களில் பங்­கெ­டுத்­தி­ருந்த­தாக சந்­தே­கிக்கப்­ப­டு­வ­தா­கவும் அது தொடர்­பி­லேயே தற்­போது விசா­ரணை இடம்­பெ­று­வ­தா­கவும் குறிப்­பிட்ட அஜித் ரோஹண இது­வரை அவர் நேர­டி­யாக தாக்­கு­த­லுடன் தொடர்பு பட்­டமை குறித்­தான தக­வல்கள் வெளிப்­ப­டுத்­தப்­ப­ட­வில்லை என தெரி­வித்தார்.

இது தொடர்பில் அவர் மேலும் குறிப்­பிட்­ட­தா­வது,

‘உண்­மையில் இந்தப் பெண் 1997-ஆம் ஆண்­டி­லி­ருந்து 2000ஆ-ம் ஆண்­டு­வரை கடற்­பு­லி­களின் தலை­வி­யாக இருந்­துள்ளார். அவர் 2005-ஆம் ஆண்டில் இலங்­கை­யி­லி­ருந்து வெளி­யே­றி­யுள்ளார். அவர் அவ­ரது காலப்­ப­கு­தியில் இலங்கை கடற்­படை மீது நடத்­தப்­பட்ட பல தாக்­கு­தல்­க­ளுக்கு தலைமை தாங்­கி­யுள்­ள­தாக தெரி­ய­வ­ரு­கின்­றது. நேர­டி­யாக அவர் தலைமை தாங்கி தாக்­கு­தல்­களை நடத்­தி­னாரா என்­பதை உறு­தி­யாக கூற­மு­டி­யாத போதும் அவ­ரது மேற்­பார்வை, ஆலோ­ச­னையின் கீழ் தாக்­கு­தல்கள் முன்னெடுக்கப்பட்டதாக கிடைத்துள்ள தகவல்களின் அடிப்படையிலேயே விசாரணைகள் நடைபெறுகின்றன. அத்துடன் தற்கொலை குண்டுதாரிப் பெண் களை தயார்படுத்தும் திட்டங்களிலும் அவர் பங்கெடுத்தாரா என்பது குறித் தும் விசாரணைகளில் அவதானம் செலுத்தப் பட்டுள்ளது.’ என்றார்.