திரிஷா இடத்தை பிடிக்கும் காஜல் அகர்வால்

சிரஞ்சீவி தனது கனவுப்படமான சைரா நரசிம்ம ரெட்டி படத்தை முடித்துவிட்டு ரசிகர்களுக்காக தற்போது ஆச்சார்யா என்கிற கமர்சியல் படத்தில் நடித்து வருகிறார். கொரட்டலா சிவா இயக்கத்தில் உருவாகி வரும் இந்த படத்தில் கதாநாயகியாக திரிஷா ஒப்பந்தம் செய்யப்பட்டு இருந்தார்.

விரைவில் இந்தப்படத்தின் படப்பிடிப்பில் அவர் கலந்துகொள்ள இருந்த நிலையில் திடீரென இந்த படத்திலிருந்து விலகினார் திரிஷா. கதையில் ஏற்கனவே சொன்ன தனது கதாபாத்திரத்தில் நிறைய மாற்றங்களை செய்ததால் தான் இதிலிருந்து விலகுவதாக அறிவித்துள்ளார் திரிஷா.

இது திரிஷா ரசிகர்களுக்கு அதிர்ச்சியாக இருந்தது. திரிஷாவுக்கு பதிலாக காஜல் அகர்வாலை இந்த படத்தில் நடிக்க வைக்க பேச்சுவார்த்தை நடைபெற்று வருகிறது. ஏற்கனவே சிரஞ்சீவியின் 150வது படமான கைதியில் காஜல் தான் கதாநாயகியாக நடித்தார்.