அயலான் பட போஸ்டர்
இன்று நேற்று நாளை பட இயக்குனர் ரவிக்குமார் இயக்கத்தில் உருவாகி வரும் படம் அயலான். இப்படத்தின் சிவகார்த்திகேயன் ஹீரோவாக நடிக்கிறார். அவருக்கு ஜோடியாக ரகுல் பிரீத் சிங் நடித்துள்ளார். கருணாகரன், யோகி பாபு ஆகியோர் முக்கிய கதாபாத்திரத்தில் நடித்து இருக்கிறார்கள்.
அறிவியல் சார்ந்த படமாக உருவாகி வரும் இப்படத்தை 24 ஏ.எம்.ஸ்டூடியோ சார்பில் ஆர்.டி.ராஜா தயாரிக்கிறார். இப்படத்திற்கு ஏ.ஆர்.ரகுமான் இசையமைக்க, நிரவ் ஷா ஒளிப்பதிவு பணிகளை கவனிக்கிறார்.
நீண்ட நாட்களாக இந்தப் படம் குறித்த அறிவிப்புகள் எதுவும் வெளியாகாமல் இருந்தது. இந்நிலையில், ரசிகர்களை மகிழ்விக்கும் வகையில் அயலான் பட அப்டேட் வெளியாகி உள்ளது. அதன்படி இப்படத்தின் இறுதிக்கட்ட படப்பிடிப்பு தொடங்கியுள்ளதாகவும், சிவகார்த்திகேயன், ரகுல் பிரீத் சிங், யோகிபாபு ஆகியோர் படப்பிடிப்பில் இணைந்திருப்பதாகவும் படக்குழு அறிவித்துள்ளது.
படக்குழு வெளியிட்ட இந்த அப்டேட்டால் ரசிகர்கள் உற்சாகமடைந்துள்ளனர். மேலும் விரைவில் அயலான் படத்தின் சிங்கிள் டிராக் வெளியிட வாய்ப்பிருப்பதாக கூறப்படுகிறது.