ஆசிய கிண்ண தொடரில் இருந்து லிட்டன் தாஸ் விலகல்

இந்தியா, பாகிஸ்தான், பங்களாதேஷ் , இலங்கை, ஆப்கானிஸ்தான், நேபாளம் ஆகிய ஆறு அணிகள் மோதும் ஆசிய கிண்ண கிரிக்கெட் தொடர் இன்று (30) தொடங்குகிறது.

பங்களாதேஷ் முதல் போட்டியில் நாளை (31) இலங்கை அணியை எதிர்கொள்ள இருக்கிறது.

இந்த நிலையில் பங்களாதேஷ் அணியின் முன்னணி வீரரான லிட்டன் தாஸ் ஆசிய கிண்ணத்திற்கான தொடரில் இருந்து முழுவதுமாக விலகியுள்ளார்.

வைரஸ் காய்ச்சலால் பாதிக்கப்பட்டுள்ள லிட்டன் தாஸ், இன்னும் அதில் இருந்து முழுமையாக குணமடையவில்லை. மேலும், இலங்கைக்கு எதிராக நாளை (31) இடம்பெற உள்ள போட்டிக்காக இலங்கைக்கும் வரவில்லை என தெரிவிக்கப்படுகிறது.

அவருக்குப் பதிலாக அனாமுல் ஹக் பிஜோய் அணியில் சேர்க்கப்பட்டுள்ளார் என பங்காளதேஷ கிரிக்கெட் சபை தெரிவித்துள்ளது.

அனாமுல் ஹக் 44 ஒருநாள் போட்டிகளில் விளையாடி 1254 ஓட்டங்களை பெற்றுள்ளார்.

இதில் மூன்று சதங்களும் அடங்கும். கடந்த 2022 ஆம் ஆண்டு இந்தியாவுக்கு எதிராக விளையாடியது அவரது கடைசி ஒருநாள் போட்டியாகும்.