இறுதிப்போட்டியில் ஈழத்து குயில் கில்மிஷா வெற்றி பெற்றதாக அறிவிக்கப்பட்டதை தொடர்ந்து யாழ் மக்கள் வெற்றிக்கொண்டத்தில் ஈடுபட்டு தமது மகிழ்ச்சியை வெளிப்படுத்தினர்.
தென்னிந்திய தொலைக்காட்சியான ஜீ தமிழ் ஸரிகமப பாடல் போட்டியில் இலங்கையின் யாழ்ப்பாணம் – அரியாலை கலைமகள் சன சமூக நிலையத்திற்கு அருகாமையில் வசித்துவரும் கில்மிஷா கடந்த 07.06.2023 அன்று சரிகமப பாடல் போட்டியில் கலந்துகொள்ளுவதற்காக இலங்கையில் இருந்து தெரிவுசெய்யப்பட்டார்.
இறுதிச் சுற்று
இப்போட்டியானது இம்முறை லிட்டில் சேம்ப்ஸ் சீசன் 3 இல் மொத்தமாக 28 போட்டியாளர்களுடன் ஆரம்பிக்கப்பட்டது.
பின்னர் பங்கேற்ற குழந்தைகள் தமது திறமையை ஒவ்வொரு வாரமும் ஒவ்வொரு விதமான முறையில் இறுதிவரை நகர்த்திச் சென்றுள்ளனர்.
17.12.2023 அன்று நடைபெற்ற இறுதிச்சுற்றில் மொத்தம் 6 போட்டியாளர்கள் கலந்துகொண்டனர்.
இதில் ரிக்ஷிதா, கில்மிஷா, சஞ்சனா, ருத்ரேஷ், நிஷாந்த கவின் மற்றும் கனிஷ்கர் ஆகியோர் இறுதிச்சுற்றில் பங்குபற்றினர்.
கொண்டாட்டத்தில் யாழ் மக்கள்
இறுதியில் யாழ்ப்பாணத்தை சேர்ந்த கில்மிஷா வெற்றி பெற்றுள்ளார்.
கில்மிஷா வெற்றி பெற்றதாக அறிவிக்கப்பட்டதை தொடர்ந்து யாழ்ப்பாணம் – அரியாலை கலைமகள் சனசமூக பகுதி மக்கள், வெற்றிக்கொண்டத்தில் ஈடுபட்டு தமது மகிழ்ச்சியை வெளிப்படுத்தியிருந்தனர்.