கௌரவ பைசர் முஸ்தபா அவர்கள்,
உள்ளுராட்சி,மாகாண சபைகள் அமைச்சர்,
உள்ளுராட்சி அமைச்சு,
இல 330, டொக்டர்.கொல்வின் ஆர்.சில்வா மாவத்தை
(யூனியன் பிளேஸ்)
கொழும்பு 02
உள்ளுராட்சி சபைகளின் எல்லை மீள்நிர்ணயம் தொடர்பானது- வவுனியா மாவட்டம்
மேற்படி விடயம் தொடர்பாக வவுனியா மாவட்டத்தை பிரதிநிதித்துவப்படுத்தும் மாகாண சபை உறுப்பினர் என்ற வகையில் பின்வரும் விடயங்களை தங்களின் மேலான கரிசனைக்காக தயவுடன்; முன்வைக்கின்றேன்.
முறைகேடாக நடைபெற்ற எல்லை மீள்நிர்ணயம் தொடர்பில் குழுவொன்றை நியமித்தமைக்காக நல்லாட்சி அரசாங்கத்திற்கு மனமார்ந்த நன்றிகள்
மேற்படி எல்லை மீள்நிர்ணயம் கடந்த அரசாங்கத்தில் தமிழ் அரசியல் கட்சிகள் சார்ந்த மக்கள் பிரதிநிதிகளுடனோ, பொதுமக்கள் பிரதிநிதிகளுடனோ கலந்துரையாடப்படாது மாறாக அரசாங்கத்தில் அங்கம் வகித்த கட்சிப்பிரதிநிதிகளின் பங்களிப்புடன் மீளாய்வு செய்யப்பட்டுள்ளது.
பொதுமக்கள் சார்பாக முன்னைய வடக்கு ஆளுனரின் ஆணையாளரும், தெற்கு பிரதேச செயலகத்தின் செயலாளரும் குழுவில் அங்கம் வகித்துள்ளனர்.
நான்கு பிரதேச சபைகளையும், ஒரு நகரசபையையும் கொண்ட வவுனியா மாவட்டத்தில் சில சபைகளுக்கான எல்லை நிர்ணயத்தில் பிரச்சனைகள் எழுந்துள்ளன.
செட்டிகுளம் பிரதேச சபை
11 உறுப்பினர்களை கொண்ட செட்டிகுளத்தில் 74 வீதம் தமிழ் மக்களும் , 26 வீதம் முஸ்லீம் மக்களும் வாழ்ந்துவரும்நிலையில் 11 வட்டாரங்களில் 05 வட்டாரங்கள் முஸ்லீம்கள் பெரும்பான்மையாக வாழக்கூடிய கிராமங்களை ஒருங்கிணைத்தும் பெரும்பான்மையான தமிழ் மக்கள் வாழும் கிராமங்கள்; ஏனைய வட்டாரங்களாக நிர்ணயம் செய்யப்பட்டுள்ளது. இதன்மூம் 74 வீதமானவர்களிலிருந்து 06 பேரும், 26 வீதமானவர்களிலிருந்து 05 பேரும் தெரிவாககூடிய நிலமையுள்ளது.
அத்துடன்
வவுனியா வடக்கு பிரதேச சபை
14 உறுப்பினர்களை கொண்ட வவுனியா வடக்கில் பட்டிக்குடியிருப்பு கிராம சேவகர் பிரிவில் 1980 களில் குடியேற்றப்பட்ட பெரும்பான்மையினத்தைச் சேர்ந்தவர்கள் இடம்பெயர்ந்து மீண்டும் தற்போது மீள்குடியேற்றப்பட்ட நிலையில் அவர்களுக்காக தனிப் பெரும்பான்மையினரை உள்ளடக்கியதாக 04 வட்டாரங்கள் புதிதாக அமைக்கப்பட்டுள்ளது.
வவுனியா நகரசபை
ஏற்கனவே 11 வட்டாரங்களாகவிருந்த நகரசபையானது தற்போது 10 வட்டாரங்களாக மாற்றப்பட்டுள்ளதுடன் 02 கலப்பு வட்டாரங்கள் அமைக்கப்பட்டுள்ளது.
வட்டாரங்களின் இலக்கங்களும் மாற்றப்பட்டுள்ளன.
அரசாங்கத்தினால் நியமிக்கப்பட்டுள்ள எல்லை மீள்நிர்ணய குழுவிற்கு மேற்படி பரிந்துரைகளை தயவுடன் சமர்ப்பிக்கின்றேன்.
Dr.பத்மநாதன் சத்தியலிங்கம்,
சுகாதார அமைச்சர்,
வடக்கு மாகாணம்.
பிரதிகள்:-
கௌரவ இரா சம்பந்தன் அவர்கள்,பா.ம.உ,தலைவர்,த.தே.கூ, எதிர்கட்சி தலைவர்
கௌரவ மாவை சேனாதிராஜா, பா.ம.உ, தலைவர்,இ.த.அ.க