சிறையில் கண்ணீருடன் தங்கள் வாழக்கையை கழித்துக் கொண்டிருக்கும் அரசியல் கைதிகளை விடுதலை செய்யக்கோரி போராட்டங்கள் சிறைக்குள்ளும் வெளியிலும் வலுவடைந்து வருகின்றன.
இந்தநிலையில் கிளிநொச்சி கந்தசுவாமி கோவில் முன்றலில் நாளை காலை 8 மணி தொடக்கம் மாலைவரை அடையாள உண்ணாவிரதம் நடைபெறவுள்ளதாக ஏற்பாட்டாளர்கள் தெரிவித்துள்ளனர்.
இந்த அடையாள உண்ணாவிரத போராட்டத்தில் மனிதாபிமானம் உள்ள அனைவரையும் கலந்துகொள்ளுமாறு வேண்டுகோள் விடுக்கப்பட்டுள்ளது.
நாளை மதியம் 12 மணி தொடக்கம் 2 மணிவரை தங்கள் வர்த்தக நடவடிக்கைகளை ஒத்திவைத்து இந்த உண்ணாவிரதத்தில் கலந்து கொள்வுள்ளதாகவும் வர்த்தகர் சங்க பிரதிநிதிகள் தெரிவித்துள்ளனர்.