சங்கக்காரா, கிறிஸ்டியன் அதிரடி: ஹோபர்ட் அணி அசத்தல் வெற்றி

இதில் முதலில் துடுப்பெடுத்தாடிய ஹோபர்ட் அணி அதிரடியாக விளையாடி 20 ஓவர்கள் முடிவில் 4 விக்கெட் இழப்பிற்கு 194 ஓட்டங்களை எடுத்தது.

சங்கக்காரா 19 பந்தில் 32 ஓட்டங்களும் (1 பவுண்டரி, 2 சிக்சர்), பெய்லி 21 பந்தில் 31 ஓட்டங்களும் எடுத்தனர்.

அதிரடியில் மிரட்டிய கிறிஸ்டியன் அரைசதம் கடந்தார். அவர் 24 பந்தில் 56 ஓட்டங்கள் (3 பவுண்டரி, 4 சிக்சர்) எடுத்து ஆட்டமிழக்காமல் இருந்தார்.

பின்னர் 195 ஓட்டங்கள் எடுத்தால் வெற்றி என களமிறங்கிய பிரிஸ்பேன் அணிக்கு தொடக்க வீரர்கள் சொதப்பினர்.

அதிரடி ஆட்டத்தை தொடர்ந்த அணித்தலைவர் கிறிஸ் லயன் சதம் அடித்தார். அவர் 51 பந்தில் 101 ஓட்டங்கள் (5 பவுண்டரி, 7 சிக்சர்) குவித்து ஆட்டமிழந்தார். இருப்பினும் அடுத்த வந்தவர்கள் சொபிக்கவில்லை.

இதனால் 20 ஓவர்கள் முடிவில் அந்த அணியால் 9 விக்கெட்டுக்கு 179 ஓட்டங்களே எடுக்க முடிந்தது.

இதனையடுத்து ஹோபர்ட் அணி 15 ஓட்டங்களால் வெற்றி பெற்றது. சதம் அடித்த கிறிஸ் லயன் ஆட்டநாயகனாக தெரிவு செய்யப்பட்டார்.